差不多一年多沒有跟C哥碰面，想不到今天在過大海的碼頭一遇，劈頭兩三句已經聽到他在「呻」。C哥一直在碼頭做旅行社，賣夜場套票、酒店房和船飛，生意好的那些年，他的生意真的做唔停手，「好景嗰陣，唔好計夜總會，桑拿套票一日已經賣到一百幾十套啦，仲有啲酒店房又貴，有水位。」今日的市況當然不能同日而語，「酒店房閒日幾舊水都有，早兩年邊可能諗到？」更讓他煩惱的是，樓下有班師奶在賤價賣船票，搶了他們不少生意，「佢哋手上好多來自澳門嘅平飛，平到完全唔合理，你話係咪落井下石吖？」
老友相遇，難免話當年，他說起風光日子，因為做旅行社，那邊夜店有甚麼新活動，都會請他們過去試一試，「咁我哋做最前線推銷嗰個，講多兩句，加兩錢工夫，效果真係好過你貼幾張海報啦，依家嗰邊個個忙住救亡，仲邊有呢啲嘢吖！」唔開心嘢講到七七八八，最近嗰邊有咩特別嘢？C哥想了一想才回應：「我知道有啲場都幾積極搵緊啲東南亞嘅囡囡，你知佢哋一般都幾拚搏吓，叫做多咗選擇啦。」
撰文：黃韋龍