老夫老妻好少會好似熱戀嘅時候咁攬住嚟瞓，但係有調查發現女人畀男士擁入懷中入睡，除咗可以增加房事快感，仲減低出軌機會。男人被美女騙財嘅新聞大家聽唔少，原來令男士神魂顛倒，中伏嘅原因，係女方身上出現又長又識搖嘅東西。安全套除咗可以避孕，仲有效預防性病感染，但係調查顯示美國人，特別係年輕人用套比率愈趨下降，究竟係點解呢？
同伴侶相處多年，好多時愛已變成習慣，雖然同床進睡，但係可能已經少有身體接觸，長此下去，對彼此感情會有大影響，甚至產生出軌機會。然而，呢種情況實在可以避免，解決方法當然係大家增強溝通，美國密歇根大學David Kalmbach博士表示，最簡單方法係相擁入睡。博士搵來一班女性志願者協助，將佢哋分為兩組，研究佢哋於兩周內嘅感情生活同性生活。兩組人分別係會同伴侶相擁入睡，另一組則保持距離進睡，結果發現相擁入睡嘅一組女性對於伴侶嘅忠誠度評分比另一組高出百分之十四，同時前者對於性生活嘅滿足度亦相當高。博士表示當中原因係女性被抱入懷中入睡，會令佢哋體內嘅雌性賀爾蒙水平上升，增加對伴侶嘅愛意，同時令交歡時得到嘅快感亦增強。
正所謂男追女隔重山，女追男隔層紗，可見女仔如果要識男仔的確好容易，是故，大家睇到男人被女人騙去一生積蓄，多於女性被男人欺騙。之不過，咁多事例擺在男人眼前，點解佢哋都情不自禁，難以自制咁陷入女方嘅美色圈套當中呢？日本一個研究就發現令男人陷入錯亂、被迷惑嘅因素，除咗女方嘅美色外，仲有某啲原因。研究話發現女人束起馬尾以及佩戴垂墜式耳環，容易令男人神魂顛倒，原因係兩者搖晃嘅時候，令男人不期然咁陷入被催眠狀態，性格變得溫馴同聽話，呢個時候女方將佢搓圓(手禁)扁話咁易，而女方搖晃中嘅胸部都有相同效果。另外，拍拖嘅時候一齊搭公共交通工具，例如電車嘅時候，車廂嘅搖晃亦會令男士嘅戒備心減低，事關搖晃嘅感覺如同未出生時喺媽媽個肚入面咁，充滿安全感嘅回憶亦令男人冇晒戒心。
做乜都好，安全最重要，之不過，美國嘅年輕一代對於性生活嘅安全意識愈來愈低。美國疾病控制及預防中心早前公布調查數字，發現2011至2013年嘅青少年上床時使用安全套嘅比率由上一次調查嘅百分之八十，下降為百分之七十八。雖然下降幅度輕微，但印第安納大學Debby Herbenick博士就表示情況絕對值得關注，因為經過多年宣傳同教育，加上大家嘅知識水平愈益提升，使用安全套比率應該上升至係，呢個調查結果反映出青少年對性生活安全性嘅重視度下降。博士話當中有兩個原因，一係宣傳不足，各類針對使用安全套嘅宣傳都只係重於安全套嘅避孕功能，忽略咗宣傳安全套有效預防感染性病，同時宣傳口服避孕藥功效更佳，令青少年減少用安全套。另一原因就係四仔普及化，青少年容易睇到打真軍四仔，見慣班男優唔用套，於是有樣學樣，交歡時唔使用安全套。
撰文：賢