性生活枯燥全因過程當中冇新意，加入多啲性幻想自然可以提升激情，美國好多男女愛幻想與同事交歡，不妨參考一下。手機人人都有，而待機畫面可以反映出一個人嘅興趣同性格，有調查發現最能夠吸引異性嘅待機畫面係自拍照。家陣好多人都鍾意自拍，一位不知名嘅外國女士就嚟個高潮自拍，原來背後係有用意。
我思故我在，我在故我思，係人都會有幻想，亦不時會有性幻想，幻想一下自己跟不同異性上床。西班牙格拉納達大學早前就男女嘅性幻想進行調查，結果發現百分之九十五嘅受訪者都有性幻想，女性方面趨向浪漫，而男性就趨向幻想自己嘅性生活百花齊放，極盡淫穢。至於咁多性幻想當中，以幻想工作同事為對手嘅佔大多數，有百分之五十六嘅女性以及百分之六十一嘅男性幻想與同事上床，甚至係上司或老闆，而激戰地點係喺辦公室。調查負責人表示，大家都咁鍾意用職場作為性幻想元素，如果想增加閨房之樂嘅激情度，不妨同伴侶享受床笫之歡嘅時候扮成OL，玩吓角色扮演以滿足性幻想。
小弟一向支持國貨，手機都選擇內地品牌嘅手機，大家唔好踢爆我啦！我知自己實質係貪部機性價比高，價錢夠抵。一部手機嘅款式可以反映出用家嘅個性，例如我性格就係貪平喇。原來手機嘅待機畫面亦同樣可以反映出一個人嘅性格，同吸引異性亦不無關係。日本早前嘅一個調查，希望藉此了解待機畫面同吸引女仔有冇關係，受訪嘅219名女士就男士部手機嘅待機畫面畀分。結果發現得分最高嘅係自拍照，其次就係動漫角色、性感美女、偶像或藝人照片。根據有份畀分嘅女士表示，男士用自拍照做待機畫面，證明佢有自信，呢份自信往往能夠化成吸引異性嘅魅力，所以畀佢最高分。至於用動漫角色做待機畫面嘅男士充滿童真，女仔認為佢哋個性溫和親切，唔會故作高深，容易接近喎。
家陣同朋友食飯，特別係女仔人數較多嘅時候，好多時未食就已經一肚火，因為班女仔個個都要「手機食先」，等佢哋影晒相搞掂晒大家先可以起筷。除咗喜歡食飯前拍照，去旅行、返工、返學等都愛自拍一番，個人嚟講對呢啲自拍照興趣不大，除非係女仔嚟個高潮自拍啦！乜有女仔會將自己個高潮樣放上網同人分享咩？有呀！早前網上流傳一段影片，當中一位不知名嘅外國女子自製一支自拍加自娛神棍，將震棒接駁到自拍神棍末端，一邊自娛一邊自拍高潮樣！點解呢位女士公開自己嘅淫穢行為呢？其實佢係別有用心嘅，佢表示家陣咁多人鍾意將自拍照放上網同人分享，性質同自娛冇乜分別，佢咁做係希望大家反思吓係咪乜都要自拍，同時大家又係咪需要隨波遂流人拍我又拍呢？
撰文：賢