當今世上最親切脫星係邊位？靠投票選舉係無意思嘅，睇佢喺不同地方都咁受片廠及巴打歡迎先係最得民心！眼前所見，如果Angela White認第一，睇怕都無人會Challenge佢，無他嘅，阿妹由澳洲衝出歐美，早前更踩入日本AV界，從未有人嫌佢未夠班囉！
脫星同足球聯賽一樣係有分級數嘅，假如Alexis Texas、Jesse Jane及Kayden Kross等屬於一線脫星，咁Angela White毫無疑問係超級脫星，因為佢的確高幾班，就好似足球聯賽咁，踢贏本土就出去踢埋歐冠、歐霸咁，脫星都係，當人氣紅到爆，征服本土市場後，自然要去其他地方挑戰，證明自己紅爆之餘，順道吸金吸粉絲嘛！咁所以Angela White由澳洲開波，然後挑戰美國，再去歐洲，繼而作客日本囉！花咁多口水講阿妹係國際脫星，唔係想表揚佢有幾威水，而想講喺業界中學似阿妹咁於短短幾年間做齊晒以上咁多嘢，真係冇一人！而綜合歐美日三地粉絲，都對Angela有讚無彈，可見阿妹不僅靠賣奶搵食，其親和力確實係無人能及呀！
Angela早前同一間日本成人娛樂製作公司Momotaro Productions合作，飛去東京拍攝兩部四仔，一部叫《The Married Woman: Angela White》，另一部叫《Angela White: The Soapland Worker with the Colossal Tits》，兩套四仔風格各有不同，喺第一部作品扮素人，化淡妝着和服砌餐飽，講述阿妹嫁去日本鄉下地方寂寞難耐，日夜靠自摸，最後勾引鄰居解慰，考阿妹演技多於床技。而第二部就係真正考阿妹技術之作，飾演陪浴孃，玩盡波哋推油，超晒班呀！
今回Angela無聲無息由美國飛去日本拍AV確實震撼四仔界，連佢都知道外界一定極度關注，難怪喺訪問中有備而來，阿妹解釋呢兩套AV並非要試水溫，而係擺明車馬要喺日本插旗，由於阿妹向來係透過拍鹹片去發掘個人性趣，令佢之後演出嘅作品更多新元素，是次去日本一方面取靈感，另方面為佢篇論文做功課，好等將來可以完成PhD課程喎！阿妹成績冇人想理，反而一講到美日色情文化差異，大家就好興奮。Angela表示，日本男優即使拍「強暴」戲份都溫柔過人，相反美國男優下下出盡力，搞到佢鬼咁痛。另一方面，阿妹認為日本AV好注重每一個鏡頭，譬如拍乳交漆場面，攝影師會追住對奶十幾分鐘唔放，反之歐美片只會粗略帶過。對於歐美日三地鹹片都拍過，Angela話並冇覺得邊個地方最好砌，佢甚至話如果再有新興市場都唔介意挑戰，砌到咁盡？佢仲唔係國際友誼脫星！
講你都唔信，Angela係一位唔吹水嘅脫星，10年間阿妹受訪無數，出自佢把口嘅全部逐一實現，例如佢自爆未夠秤時第一次睇四仔，之後決定要做脫星，就算做唔成脫星都會喺成人界打滾，結果阿妹由裸模走到上床，喺短短4年間更擁有個人製作公司AGW Entertainment，勁！仲有，潔身自愛嘅Angela，拍四仔時全程投入，但拍攝完之後就同男優保持距離，唔會私下約會對方，建立脫星唔係淫亂、心理不平衡或貪錢形象。
撰文：祖