日本有唔少賽車女郎出身嘅寫真女優，只係講到呢期最醒神嘅卻非安枝瞳莫屬。事關佢唔單止個樣夠甜美又有陽光味，渾圓嘅美股所掟出嚟嘅完美彎道，簡直係令眼睛嚟個極速飄移，配合埋勻稱嘅身材，咁養眼嘅迷人曲線簡直係正到爆呀！
日本好多寫真女郎都係出身於賽車界，佢哋唔係女車手，而係賽車女郎。歷來賽車團體Super GT都有屬於自己嘅一批賽車女郎，當中有唔少係身材與美貌兼備，至於近年成功殺入寫真界發展得最快嘅一定係安枝瞳喇。今年27歲嘅安枝瞳作為賽車女郎嘅時候創出紀錄，就係連續三年成為Super GT賽車女郎團中嘅代表。
轉職做寫真女郎之後，安枝瞳繼續發揮佢嘅驚人魅力，呢股魅力除咗來自標致亮麗嘅面孔，身材亦佔相當大比重。5呎3吋高嘅安枝瞳擁有34-24-37嘅三圍，雖然屁股尺碼比較大，但係由於阿妹個蜜桃形靚股圓而挺，挺而結實，美觀又豐滿得嚟唔會過分搶眼，整副身材睇落夠弗夠均勻，睇幾耐都咁吸引。於寫真DVD《水蜜桃之日日》當中，安枝瞳盡情施放靚股魅力之餘，亦會去到陽光普照嘅海灘展現青春活力以及甜美笑容，亦會大玩濕身畀大家細心欣賞其水潤胴體，睇完一定令人精神百倍，生機勃勃！
碟 名：《水蜜桃之日日》
收錄時間：102分鐘
售 價：約HK$265
出生日期：1988年3月23日
身高：5呎3吋
三圍：34-24-37
撰文：賢