每個人嘅口味都唔同，對於睇十八禁漫畫亦係一樣，有人鍾意睇劇情，覺得情慾場面只係配菜，亦有人只係為咗睇曳曳場面，太多故事內容反而影響觀賞性。如果你屬於後者嘅話，呢本出自成漫家幸田朋弘手筆嘅作品《Come Come Selection》一定啱晒你口味。
唔少人成日埋怨自己嘅際遇，其實只要勇於嘗試，打破規限，就有機會闖出一片新天地，幸田朋弘就係其中一個好例子。呢位早於1994年出道嘅漫畫家，從其處女作《年輕的國王》可以睇得出，佢本來係向少年漫畫家嘅方向發展，亦推出過唔少作品，可惜一直都唔係咁受人注意。及至2002年佢改變創作路向，推出十八禁漫畫《三重陽光》，主題係講浪漫愛情故事，只係當中加入大量色情元素，令作品變得相當鹹濕。雖然唔知道佢咁做，係咪對自己一種放棄態度，但就連佢自己都估唔到，呢本成人漫畫竟然大受歡迎，更被喻為經典作品。喺成人漫畫界成名後，佢積極轉移到十八禁領域邁進，先後推出《東方鐵腕小町 心臟卜卜跳運動》、《機械三姊妹》、《別鬧了！姐姐》、《Seka×Seka》、《Little LOVERS》等人氣作品，當中尤以講述性愛機械人故事嘅《機械三姊妹》，更係經典中嘅經典。其作品最大特色係廢話少講，着重性愛場面嘅描繪，床上動作極富動感，睇到人慾火高燒。
喺2010年幸田朋弘為日本十八禁漫畫雜誌《COMIC阿吽》創作漫畫，而呢本最新嘅單行本作品《Come Come Selection》，就係將佢喺雜誌上刊登嘅作品收錄而成。全書共分為12個短篇故事，當中包括有《就這樣的情事》、《隆子姐姐來襲！》、《真夏的挑戰》、《放學後的挑戰》、《心跳加速！學生會長》、《回想的衝擊》、《凹凸戀愛故事》等。每個故事都貫徹幸田嘅創作風格，就係一嚟就入正題，雖然冇劇情可言，但對單純追求官能先食嘅成漫迷嚟講，呢種飽和嘅鹹味實在啱晒口味！至於呢12個短篇故事中，邊一個嘅情慾場面最過癮呢？咁就一定要數《隆子姐姐來襲！》。故事講述女主角隆子同男主角輸賭，如果男主角輸咗嘅話，以後就要聽晒佢話，相反佢就會獻上自己嘅第一次，結果男主角贏咗，隆子惟有乖乖瞓上床。故事搞笑，隆子超誇張嘅表情更係笑到人反肚，最抵死係佢本身欠缺性愛經驗，但上到床就扮晒床上高手，嗰種表情同行為嘅落差，真係香艷得嚟又睇到人心跳加速呀！
名稱：《Come Come Selection》
作者：幸田朋弘
出版：Hit
頁數：176頁
撰文：魂