年過三十嘅動漫迷近年認真開心，事關七八十年代嘅動畫都重製高清版又或者推出新一輯故事，而喺日本好快又有經典動畫啟播，呢部就係《雷朋三世》喇！除咗主角雷朋三世好身手夠鹹濕之外，其他角色一樣吸引，當中最令我哋班男士熱血沸騰嘅，一定係腰幼胸大又靚女嘅峰不二子！到底咁好身材嘅女仔現實中有冇呢？以下自有分曉。
男人不壞女人不愛，其實壞女人同樣深得男人心，不知幾多男人心甘情願做觀音兵，被女人玩弄得團團轉卻樂不可支，我哋大概可以將此視為SM嘅另一種玩法。經典動畫女角色峰不二子某程度上就係呢種壞女人，難怪除咗雷朋三世之外，廣大動畫迷都被其魅力深深吸引啦。峰不二子亦正亦邪，有時會幫雷朋三世，但利字當頭嘅佢往往會利用主角等人，甚至嚟個黃雀在後將寶物搶走，雖然係咁，雷朋三世對佢依然相當愛慕，男觀眾亦然。峰不二子的美艷面孔及一副超現實嘅勁爆身材，一直令男觀眾着迷。10月《雷朋三世》新一輯動畫將會喺日本電視播放，知名日本AV達人東風克智乘勢嚴選超絕品AV女優，最終搵到一位身材最接近峰不二子嘅人選！東風克智仲自創咗一個簡易計分法，為一班入圍嘅AV女優評分。
東風克智搜集資料後，初步確認峰不二子嘅三圍係100-56-89cm，身高則為167cm。將女優嘅三圍及身高同佢對比一下，以100分為滿分再減去女優三圍、身高與峰不二子嘅差距，睇吓邊個獲得最高分數。好多朋友同我一樣，估計人氣強勁嘅女優Julia一定分數最高，穩坐真人版峰不二子嘅寶座，之但係，Julia嘅得分只有84分，原因係佢身高不足降低整體分數，令她僅得第五名，東風克智自己都坦言大失所望。而第三位係同樣得86分嘅蒂亞及沖田杏梨，呢次鬧出雙季軍，克智哥都話巧合，沖田杏梨身材係勁，但亦可以話粗壯；蒂亞個樣則同美艷二字扯不上關係，實在同峰不二子差幾遠。至於第二高分為88分嘅「神之乳」RION。最似峰不二子、最能夠稱作真實版峰不二子嘅係邊位呢？就係有「平成之巨乳怪物」稱號嘅佐山愛，得分有成90分！雖然愛妹條腰粗咗少少，但係身高同上圍與峰不二子差唔多，令分數咁高。
現年36歲嘅東風克智係日本AV達人，以往立志將夢想帶畀小朋友，但係長大之後轉而為大人帶來夢想，所以專注寫AV文章。據講，東風克智每個月都會睇約一百部AV作品，平均每日睇三隻碟以上，認真厲害。正因為睇得AV多，克智兄對AV相當熟悉；另一方面，他亦有自己嘅網絡節目《AV Master》，經常請來AV女優及業界中人上節目傾談，等觀眾對AV界有更深認識。
撰文：賢