莫講話平常人唔識Amina Axelsson，即使四仔迷對阿妹一無所知都合情合理，雖然佢係一名瑞典脫星，兼有對36G假波，咁又如何，只喺本土搵食，目前為止未有同片廠合作，上Pornhub網都係摷到一、兩段吹奏短片，咁就想上位，簡直妄想！
之不過，Amina Axelsson話自己係脫星，唔代表佢一定要靠磨喪砌博上位啫！據西班牙傳媒報道，早幾日Amina妹喺當地一項鬥牛活動，突然間從觀眾席跑入鬥牛場，諗住舉起反鬥牛標語，結果被場內職員阻止兼驅逐離場。事件引起歐美各國傳媒報道，而當事人亦喺個人網站甚或各大社交平台呼籲大家要愛護動物，關注動物權益等等，愛錫動物當然係好事，加上阿妹用全裸吸睛難免更令四仔迷關注啦！
無論阿妹係咪堅愛護動物都好，今次衝入鬥牛場事件已令佢人氣急升，無奈有網友對阿妹嘅行徑唔多受落，認為今次係「愛心抽水」，利用傳媒報道谷人氣、谷瀏覽量，有人更擔心其他脫星會有樣學樣喎！正如網友提議，假如真係咁想反鬥牛，咁不如喺鬥牛賽事期間，搞多幾場免費性愛騷，相信可以搶走唔少睇鬥牛客仔囉！
撰文：祖