正所謂人不可以貌相，海不可以斗量，好多女仔都係禾稈冚珍珠，外表睇落平平無奇，一騷身材卻有驚人效果。人氣水着妹椎名光外表生得可愛純真，內裏卻潛藏魔性，乃係小惡魔一名。
細路仔就一定天真無邪，以前可能後，現代嘅細路仔唔知係咪食嘅奶粉加晒DHA、乜乜素、物物多糖體，不知幾咁醒目，早前我就畀兩歲幾嘅姪仔跣咗鑊甘，誤信姪仔之言，打開咗一個唔應該打開嘅罐，拎出一粒佢阿媽唔畀佢食嘅糖，姪仔食到嘴郁郁被其母發現，姪仔好順手咁指住我，呢鑊真係中到應晒棍啦！是故，以後我唔會再咁容易取信於小朋友，同時亦會有戒心，之但係，見到椎名光呢位咁青春嫩口又純真嘅水着妹，雖然明知佢係出名嘅小惡魔，因為佢擁有嘅身材實在太迷人，太令男人失去反抗力喇。今年20歲嘅光妹最近喺水着界人氣愈來愈高，冇他嘅，光妹生得一副稚嫩面孔，唔知仲以為佢未夠秤添。呢位妹妹仔身材一流，纖細嘅身軀配上一對飽滿C Cup美乳，係一位優秀嘅童顏巨乳美人兒。
椎名光喺2009年開始其模特兒生涯，作為時尚雜誌《Ranzuki》嘅專屬模特兒，以Gal系衣着風格取得相當人氣同知名度，至於Gal系打扮有咩特點，大概係走在時代尖端嘅誇張打扮，類似我哋所謂嘅MK妹裝扮。由於椎名光火速成為Gal系模特兒嘅代表人物之一，而Gal系亦成為一種代表日本嘅潮流文化，喺2010年上海世博當中，光妹以及其他Gal系嫩模代表都有份參與，向世界介紹呢種日本嘅獨特潮流文化。光妹形象突出，受到電視台注意，搵佢演出電視劇。另一方面，光妹亦有其電台節目，如《椎名光的魔弓學園廣播部》。近年，椎名光身上嘅邪氣愈嚟愈濃，更自稱為魔界達人，係來自魔界嘅小惡魔，好多時打扮得相當魔幻，衣着仲以血紅色及黑色為主調，睇落真係魔氣逼人！如果《西遊記》又再拍電視版，不妨搵光妹客串演啲乜乜精、物物妖，必定入型入格。
個人博客
網址：http://lineblog.me/shiinahikari/
簡介：椎名光事務繁忙，經常要拍寫真同開咪做電視節目，仲要同其他Gal系女仔聚會，想知道光妹最近去咗工作定係去玩，可以留意其博客。
椎名光Profile
年齡：20歲
身高：5呎
三圍：32C-22-32
撰文：賢