日本嘅十八禁遊戲競爭相當激烈，因此唔少電玩商喺推出遊戲前半年，已經努力做宣傳以吸引大家目光。不過新十八禁電玩商Ushimitsu Soft卻反其道而行，雖然早就公布喺10月會推出處女作《廚二姬的帝國》，但相關嘅遊戲畫面卻係少之又少。據佢哋解釋咁做嘅目的係為咗保持神秘性，更重要係希望能節省宣傳費，等有更多資金用喺開發遊戲上。從佢嘅資料相中睇出，呢個遊戲嘅人物設計相當用心，尤其係女角色嘅造型更係相當豐富。故事講述喺一個被稱為23區嘅地方，一個由大量超高又巨型大樓組成嘅建築群中，某個單位被改造成如古堡般嘅古舊情人旅館，住喺度嘅人自稱嚟自異世界，當中為首嘅係一位公主。從祖母度繼承咗呢間旅館業權嘅男主角，本嚟諗住趕走呢班神神化化嘅人，卻估唔到自稱公主嘅美少女竟發動「契約之力」，不但令男主角同佢簽下新租約，更賦以神聖之力而成為勇者，從此過住香艷無比嘅集體生活。