夜遊業為咗求存無所不用其極，事關內地有色情服務業工作者諗出品茗奇招，專門吸引有錢客人上門尋歡，而台灣則有夜遊業藉護膚服務以圖掩人耳目。不過講到最出位嘅，莫過於日本有風俗店以「還曆」或以上耆英風俗孃作招徠。其實佢哋搞咁多嘢，目的都係想搵食啫！
最近杭州西湖破獲咗一個透過微信嚟約「飲茶」嘅色情服務集團，佢哋以試新茶、上門睇茶葉等暗號，約玩家上門尋歡。據講呢個集團自去年底開始運作，專門以高尚住宅區或酒店式公寓為據點，並透過手機聊天軟件通知熟客「飲茶」地點，而新客則須由熟客陪同先至可以入內，每次收費為千元人民幣以上。另外，玩家必須於兩小時前預約，每晚
7點半後例必爆滿，足見生意幾咁好。為保安緣故，囡囡唔會留低任何聯絡方式畀玩家，並且經常轉換地點。至於玩家方面，有駕駛名車嘅豪客，有啲更係每個月嚟玩7、8次。收入咁好，難怪呢個集團甘願鋌而走險。
女人去護膚美容店好正常，因為係女人都貪靚。只係男人都去美容院，當中肯定有景轟！呢間位於台灣基隆孝二路嘅護膚美容店，表面上係專賣美容及護膚產品，店內亦有美容服務提供。不過當男士入到去後，卻會發現裏面每間房不但有位「技師」，仲要提供半套服務。至於收費方面，每次收費盛惠2,200台幣（約550港元）。雖然以半套服務嚟講，呢個收費並唔算平，但以咁隱蔽嘅掩飾，卻令唔少玩家自覺安心，故此每日從下晝開始生意就相當旺，而夜晚更係人流高峰期。不過正所謂「人怕出名豬怕肥」，結果引起有關當局注意，終於被查封。雖然係咁，但相信呢種掛羊頭賣狗肉嘅營運方法，會繼續有人倣效。
呢個世界有乜嘢唔得！日本就有風俗店以「還曆」或以上嘅風俗孃作招徠，仲要吸引唔少玩家摸上門添！還曆者，即60歲也，換言之，呢間位於鶯谷嘅風俗店，店內嘅風俗孃個個都係60歲以上嘅婆婆，最大年紀嘅更有成80歲！雖然呢種口味真係幾重，但係你咪理，人哋真係有市場，而班婆婆入行嘅理由無非為咗打發時間，甚至有人聲稱希望能夠搵到個精壯中年男滿足自己添！收費方面咪以為平，90分鐘服務收費為15,000日圓（約975港元）。其實日本老齡人口愈嚟愈多，風俗孃呢種性服務業者嘅年齡亦隨之而提升亦係意料中事。講開呢種超熟女風俗店，早前有個自稱約20歲嘅日本青年，因為飲大咗關係竟然摸咗上去，結果服務完後，至發現服侍佢嗰位風俗孃竟然係個
75歲嘅婆婆，於是喺網上自爆慘事，乜佢真係唔怕畀人笑到面黃咩？
撰文：魂