嫩模學格雷SM增情趣

做男人應當義氣行先,夠薑仲要夠雷,其實做女人都一樣可以有「雷氣」,冷艷又好身材嘅嫩模Lluvy最近為《格雷的五十道色戒》專屬SM道具系列做宣傳,從中更深入了解電影當中嘅SM情節及道具用法,表示家陣先知道SM原來可以提升床上情趣之餘,仲可以玩得高格調唔核突,各位女士都可以學佢咁夠「雷」!

睇戲偷師

電影除咗係一種娛樂,仲教曉我哋好多知識,例如睇番星爺嘅舊戲《鹿鼎記》,我先知道原來男人有機會患上縮陽呢種症候,咁如果想增進男女感情,提升床上情趣呢?以前我會為大家推介睇西片《偷月迷情》,不過當中嘅SM場面就嚟得比較猥褻、粗鄙,唔多適合現代人追求高品質、高格調嘅態度,嫩模Lluvy就話:「想偷師增進床上情趣,梗係睇由暢銷小說改編嘅《格雷的五十道色戒》啦!仲使乜諗咁多呀!」剛巧近日情趣用品店18DSC聯同SEXYNLOVE與英國情趣用品品牌Lovehoney合辦《格雷的五十道色戒》SM用品系列巡禮活動,而Lluvy就獲邀請為活動模特兒,相信Lluvy對呢套小說同SM用具一定好熟悉,等Lluvy嚟介紹就最啱喇。Lluvy話:「電影《格雷的五十道色戒》係由小說《Fifty Shades of Grey》改編而成為電影系列首部曲,我有睇過套戲,男女主角之間嘅感情複雜又難捨難離,更重要嘅係二人玩SM都玩得咁高格調,真係值得大家好好學習。」

適可而止

呢個活動展示一系列於電影出現過嘅SM道具,例如繩、面具、拍板、皮鞭、羽毛掃以及震動玩具等,甚至連男主角格雷最愛打嘅領帶都一應俱全,男用家如果學男主角咁西裝骨骨打住條領帶玩SM,相信女伴一定會覺得你特別英偉有型,格調高尚,當然女伴會唔會好似女主角咁成為男主角嘅服從者,就要睇吓閣下嘅功夫到唔到家喇。提到SM功夫,又要請教Lluvy喇。未知如果玩SM,Lluvy會揀S(施虐)定係M(被虐)嘅一方呢?Lluvy拎幾條鮮艷奪目嘅紅色綑綁用嘅繩笑得有少少尷尬,從佢冷艷嘅面孔流露出絲絲甜美,然後佢就話:「我鍾意做S多啲,呢個年頭女仔都愛自由亦鍾意採取主動,而且家陣其實唔少男人屬於M型,對佢哋愈差就愈開心愈有存在感。」嘩!講得咁兇狠,玩樂嗰陣用繩綁住嚟又打又鞭會唔會令對方痛到呱呱叫呀?Lluvy話:「我其實好溫柔,識得就住道力,唔會好痛嘅。」

包羅萬有

呢個《格雷的五十道色戒》SM道具系列可謂包羅萬有,包括Insatiable Desire震棒、We Aim To Please震蛋、The Pinch乳頭夾、Yours And Mine震環、Something Forbidden後庭塞、Submit To Me初階綑綁套裝、All Mine Deluxe眼罩、Twitchy Palm拍板等,如果要玩晒咁多樣,真係需要好多時間,當然亦會為閨房帶來無比樂趣啦。全部道具都喺電影當中出現過,等用家可以邊睇電影邊玩樂,有興趣不妨Click上www.18dsc.com.hk睇吓邊款道具合心水啦!

暢銷全球

小說《Fifty Shades of Grey》係英國作家E. L. James所寫嘅情慾小說,喺2011年出版。小說出版之後銷量節節上升,全球銷量超過7,000萬本,喺歐美地區更係無人不曉。故事講述女大學生安娜為校報採訪有型又有錢嘅企業家,即係男主角格雷,二人一見鍾情後來發展出感情,而安娜嘅第一次畀咗格雷之後,大家嘅關係愈來愈緊密,後來安娜更加喺格雷嘅主導之下嘗試好多SM玩意,知道格雷原來有特殊性癖。而安娜對格雷當然相當愛慕,但係又覺得成日玩SM有啲離經背道,仲感到自己好似格雷嘅玩物。另一方面,安娜又知道格雷發展出呢種性癖背後原來有段故,令二人欲斷難斷、難捨難離。雖然有人質疑呢本小說寫得麻麻哋,但係當中嘅SM內容以及男女主角之間糾纏不清嘅關係又的確刻劃得別具風格,對SM玩意嘅描寫亦相當細膩,令人有耳目一新之感。小說仲被改編拍成電影《格雷的五十道色戒》,第一集已經喺今年2月上映,而第二集預計喺明年出街,Lluvy叫大家唔好錯過喎!

撰文:賢