科技進步，造就好多病患者得以脫離疾苦，更可以令女性隨時隨地盡享快感，最近已經發明直接放入陰道嘅震蛋。巴西嘅森巴嘉年華每年都吸引上萬人次參加，一齊欣賞巴西嘅火辣舞孃熱情舞動，不過要感受當中嘅熱鬧氣氛其實去日本一樣可以。十隻手指有長短，每個男人嘅命根兒都有不同長度，而長或短都唔需要在意，只要搵到適合嘅體位，一樣可以令伴侶高潮迭起。
女仔家陣要享受快感有好多情趣用品可以選擇，震蛋、震棒款式多且功能齊備，真係令人目不暇給。不過，有人可能仲係嫌呢類玩具唔夠方便，一來用完之後要妥善清潔，以免下次使用嘅時候影響健康；二來清潔完畢仲要搵地方好好收藏，免得被家人朋友發現造成尷尬。喂！震動玩具就係咁（口架）啦，仲想點呀？美國一間Fun Factory就發明一款可以植入體內嘅震蛋，產品叫做The Orgasmia。呢款震蛋形狀好似個V字，放入陰道後兩條觸鬚就會合攏，啟動嘅時候就由中間嘅震蛋發出震力刺激要點。咁係咪要伸隻手入去開關呢？冇咁嘅需要，原因係震蛋可經手機透過藍芽控制開關同調節震動力度，完全唔使用手。另外，震蛋仲可以透過吸收體內溫度嚟充電，換言之佢可以放入體內一段長時間，畀女用家隨時隨地使用，實在方便到震！
每個人都有長處及短處，不過好多男人都覺得自己最容易發揮長處嘅地方唔夠長，因為以為自己床上功夫出眾，招式運用熟練，而唔能夠令女伴高潮迭起嘅唯一原因只係下體長度不足而已。事實上，好多研究都表示要喺床上令女方達到高潮，同男人下面嘅長短無關，有唔少女士更認為太長嘅命根只會喺做愛之時令其感到不適，痛楚多於快感。最近英國有個報告就顯示英國男人下體勃起嘅時候，長度平均為5.2吋，一位叫做Charlie Glickman嘅博士就以呢個平均長度為界線，為各位男士提供做愛意見。博士表示下體短過平均長度嘅男人，可以使用狗仔式，因為此體位可以增加進入深度，容易令女方達到高潮，更加可以騰出雙手刺激女方其他部位。介乎平均長度嘅男士可以試用不同體位，但係前提係盡量將女方雙腳打開。而比平均長度更長嘅幸運男人就請佢哋唔好完全進入，因為頂到盡處只會令女方感到痛楚。
巴西同日本，一個南美，一個就係亞洲國家，兩者有咩關係呢？就足球而言，巴西係南美足球霸主，至於日本足球隊實力亦係亞洲首屈一指。咁多年來，巴西有唔少足球名宿去到日本教波，好似有白比利之稱嘅薛高以及鄧加，另外仲有好多巴西球星去到日職聯賽搵食。除此之外，日本仲有源自巴西嘅森巴嘉年華添！剛過去嘅8月29日淺草森巴狂歡節就喺東京淺草區上演，唔講唔知，呢個節慶活動今年已經係34屆，可想而知森巴文化早已吹襲日本。是次活動出動咗約五千名少女變身成為森巴女郎到大街巡遊表演，估計吸引到超過五十萬名遊客沿途欣賞佢哋嘅火辣舞姿。而呢班森巴女郎唔少都曾經去過巴西接受舞蹈訓練，仲盛裝出席巡遊，動感十足嘅舞姿為現場帶來一片歡欣熱鬧嘅氣氛，令遊客猶如置身巴西一樣。
撰文：賢