朝比奈彩 極品九頭身

索爆高妹

日本水着界除咗有好多巨乳妹，亦有唔少同時擁有高挑身材，好似池田夏希、護亞津沙等都身高5呎7吋，單係展露兩條修長美腿就已令水着迷口水直流喇。除咗佢哋，可能新生代女仔營養吸收得好，高挑女優愈來愈多，而朝比奈彩就係近期人氣冒起得最快嘅高妹。21歲嘅佢青春可人，嬌俏艷麗，笑容甜美清新之外仲兼有一分攝人神韻，認真迷死人。彩妹被人力讚嘅除咗笑容，仲有一副被稱為完美比例嘅極品好身材。她身高5呎7吋，雙腿又幼又長，頭同身嘅比例達一比九，故稱為九頭身美人。除咗夠高，彩妹胸前仲有D-Cup美乳，令其身材凹凸有致，配埋鮮嫩雪白嘅美肌，呢副胴體簡直係完美無瑕。

運動發燒友

朝比奈彩喺2013年開始當模特兒，不過當時主打工作係賽車女郎，後因身材出眾，就被日本不少時尚雜誌邀請拍寫真，漸漸成為雜誌封面常客，她當時藝名叫做北川彩，原因係阿妹非常希望好似知名女影星北川景子咁發展如意。朝比奈彩嘅名氣突然爆發，全靠上年成為日本知名泳裝品牌三愛水着嘅第14代形象代表，喺前輩如菜菜緒、木下優樹菜、久松郁實等女優嘅成功之下，令呢個品牌代表人身份多年來備受注目，到上年年尾彩妹接棒自然瞬間人氣勁升。當然，咁都係要靠彩妹換上泳裝之後，將一副極品身材表露無遺啦。彩妹生得咁高挑誘人，原因可能同佢係運動發燒友有關。佢話讀小學嘅時候就已經好鍾意短跑同跳遠，曾造出12秒3跑完100米嘅佳績。到今時今日，依然保持運動習慣，唔怪得身材弗得咁緊要啦。

個人博客

朝比奈彩近期喺電視界相當吃香，不時獲電視台邀請做主持，想知道最近彩妹又忙緊邊一個節目，可以緊貼佢個博客收風。

網址：http://ameblo.jp/asahina-aya/

朝比奈彩Profile

年齡：21歲

身高：5呎7吋

三圍：32D-23-33

撰文：賢