男士每當夜晚，原始本能總會蠢蠢欲動，有人話呢種係自然現象，但唔少人更相信經過一日忙碌後，自然會喺夜晚尋找生理發洩。不過講到夜同Night，係咪真係會令人放蕩不羈呢？如果從下面嘅詞語嚟睇，良夜春宵總會令人忍唔住叫聲「噢！夜!」
「Baseball」中文解做棒球，而「Night Baseball」唔通解作夜晚打棒球？如果咁諗嘅話又錯唔晒，事關呢種運動同樣要揮棒，只係揮動嘅卻係男士嘅兵器，故此佢真正嘅意思解做床戰。據講呢個詞語嘅出現，確係同棒球有關。須知道美國有唔少棒球迷，而每晚睇波係男士最大嘅娛樂，只係相對曳曳嚟講，後者嘅吸引力會更大，於是就將呢個詞語用嚟暗指床戰。話說回來，我哋最多人認識同Night有關嘅詞語，莫過於「One Night Stand」（一夜情），只係大家知唔知英國邊個地方發生一夜情嘅比率最高呢？根據英國《獨立報》喺2014年發表嘅調查指，排首位嘅係英國西南城市斯旺西（Swansea），其次分別係愛丁堡（Edinburgh）同伯明翰（Birmingham）。
「Night-bird」直譯做夜鳥，只係佢真正嘅意思又係乜嘢呢？原來係解做妓女，而澳洲則會稱佢哋做「Night-hawk」（夜鷹）。皆因妓女多數喺夜晚搵食，生活習慣同夜鷹一樣，因此得名之餘，推而廣之就以「Night-bird」嚟稱呼佢哋。講到妓女，唔知大家又知唔知中國歷史上，最早嘅官方認可妓院又喺幾時出現呢？答案係喺春秋時期嘅齊國，而提出設立官方妓院嘅則係歷史名人管仲。當時嘅妓院稱為「女閭」，設立嘅原因據稱除咗方便管理外，更有吸引人才同外資、鼓勵商業活動及增加國庫收入之用。據清代褚人獲喺《堅瓠續集》卷一上指「管子治齊，置女閭七百」，數量真的不少啊！
長夜漫漫梗係要搵番隻四仔嚟煲吓，只係有乜嘢既應景又睇到人流晒口水呢？呢套由著名美國四仔片商Wicked Pictures，喺1993年8月推出嘅經典作品《Haunted Nights》，一定可以滿足到大家。呢套搵嚟著名導演Jim Enright及Jace Rocker聯手炮製，並搵嚟Sahara Sands、Steven St. Croix、Randy Spears、Jonathan Morgan等當時炙手可熱脫星演出嘅作品。憑住鬼古加懸疑嘅有趣題材，並且遠赴蘇格蘭取景，不但深受四仔迷歡迎，更喺1994年嘅AVN頒獎禮中，令Randy Spears獲得最佳男配角、Jonathan Morgan奪得最佳非性愛演出及最佳非系列錄像獎項，而導演Jim Enright更憑此榮獲最佳導演大獎。
如果有留意開日本AV界，都一定會聽過戀小夜呢位AV女優。呢位喺1987年10月10日出生，並且擁有35E車頭燈嘅女優，憑住小巧及魔鬼身材，配合埋佢天使般嘅樣貌，條件真係冇得彈！喺2006年10月時佢以MAX-A專屬女優身份出道，並推出處女作《New Comer！》，即時令AV迷為之瘋狂。及至2007年11月轉會到另一AV片商Idea Pocket。本嚟佢嘅發展被大家睇好，更何況鍾意打機嘅佢更有唔少粉絲，可惜當時Idea Pocket嘅女優數量太多，加上個人因素唔想再繼續AV事業，故此喺2008年6月開始不但停止個人博客嘅更新，其後更慢慢退出大家嘅視野。
撰文：魂