超能力加上戀愛元素，可以話係家陣日本成人遊戲嘅主流題材之一，為咗喺眾多類似題材嘅作品中突圍而出，鹽花、人物設計、故事同遊戲性均缺一不可。如果問有邊個遊戲兼備上述元素嘅話，呢隻由日本成人遊戲商TRYSET MAD開發嘅《ANOTHER POSSIBILITY》肯肯定有份。故事講述未來世界頻頻發生恐襲事件，有關部門開辦咗一間專為特殊能力者而設嘅「壬生養成學園」，並設立由學員所組成嘅特殊組織「MIBU（魅神樂Battle Unit）」。當然，作為一隻成人遊戲，學園中不但女多男少，而且每位女角色個個都好身材又好吸引。玩家所操控嘅男主角，不但要對抗擾亂世界嘅邪惡組織，更需要解決接連而嚟嘅感情同生理問題，真係冇一刻得閒呀！