涉谷由里天生露出狂

所謂一樣米養百樣人,一般人思想比較保守,衣着上亦同樣比較密實以免太過暴露有傷風化,之不過卻有人鍾意裸露,人哋愈望佢就愈覺得自己被重視,甚至從中獲得興奮感覺添!水着女優涉谷由里就係呢類天生露出狂。

姣味十足

現世代好多日本水着妹都又靚又好身材,但係點解能夠成功上位嘅寥寥無幾呢?到底係我哋只顧追捧人氣女優?定係新一代女優得個樣而冇值得追捧嘅本錢呢?小弟我就比較支持後者,因為新人女優索就索喇,之不過就少咗一份性格特質唔識顯露出嚟,就以人氣女星壇蜜為例,樣子唔算特別標致,身材亦唔算突出,但係其好色性格喺寫真演出當中表露無遺,令人印象深刻。而新人當中有一位正向壇蜜步步進逼,佢就係近期人氣火速攀升嘅涉谷由里喇。今年23歲嘅由里青春嬌俏,面圓圓眼圓圓相當可愛,精靈眼神中散發出一種姣味,一睇就知佢對異性相當有興趣,內裏熱情如火。其實由里根本就唔係熱情主動,因為佢擁有一副G Cup好身材,肉地白滑又彈性十足,男人見到佢肯定變急色鬼,仲邊度使主動溝仔吖!

愈露愈有力

2011年涉谷由里憑住演出《戀愛之騷動》而喺藝能界嶄露頭角,佢扮演嘅豪放肉食女深入民心。事實上,由里自言亦係屬於肉食系,對於目標男人一定會作出主動同色誘,對於SM玩意更加「略有認識」,呢一點亦成為由里被認為能夠成為壇蜜接班人嘅原因之一。另一方面,由里自稱為露出狂,最鍾意裸露身體。佢話一個人喺屋企嘅時候會赤裸裸通屋走,出外丟垃圾只會穿着住丁字褲,並用垃圾膠袋遮住胸前兩點,平時更會剝光豬喺露台做運動,完全唔怕畀人睇晒全相,仲話畀人睇到先好,因為會激起其鬥志更加努力做運動令身材更加完美。

個人博客

涉谷由里喺博客上載好多拍攝寫真時嘅花絮,當中有好多都可以見到由里全裸上陣,雖然相片已經打晒格,但係豐滿嘅胴體一樣表露無遺,唔睇真係你嘅損失喇。

網址:http://ameblo.jp/shibuya-yuri/

涉谷由里Profile

年齡:23歲

身高:5呎4吋

三圍:36G-24-34

撰文:賢