先旨聲明，今次講嘅呢間夜店所位處嘅倫敦並非英國嘅倫敦，而係喺加拿大安大略省西南部嘅倫敦。呢間名為Gold Diggers嘅脫衣舞夜店，可以話係當地著名嘅夜店之一。事關佢最特別嘅地方，在於超高嘅樓底所帶嚟嘅極大玩樂空間，而為咗唔會令空間被壓縮，上空僅設一個閣樓作為VIP區之用。點解佢唔盡用樓底呢？據夜店介紹，超高樓底嘅目的係希望能盡情發揮音響效果，令音樂變得更震撼。與此同時，VIP區嘅玩家亦可以從高俯瞰一樓整個環境，以及盡覽舞台上誘人嘅艷舞表演。此外，夜店為咗能夠提供更多元化嘅娛樂，經常舉辦唔同嘅主題活動同埋選美比賽，好似美股女郎選美會、彩繪化妝派對、野獸扮嘢狂歡等，從而打造出與眾狂歡嘅氣氛。至於艷舞女郎方面，更係備受玩家讚賞。皆因佢哋不但熱情似火，仲會主動投懷送抱，將狂歡氣氛推上高峰。