星空下浪漫

令人蕩氣回腸卻又夾雜住絲絲遺憾嘅初戀，最能令人動容。如果對呢種題材有相當熱愛，又希望享受一個香艷無比嘅成人遊戲，日本十八禁遊戲公司PULLTOP所推出嘅期待大作《仰望夜空的星辰》，絕對可以畀到大家呢種初戀嘅感覺。以觀星為背景嘅故事，講述男主角宙見曉斗喺細個時，經常同青梅竹馬好友天川沙夜夜觀星空，兩人更暗生情愫。

可惜其後曉斗舉家移居外地，自此兩人再無聯絡，及至長大後返回家鄉，發現已經物是人非。正當曉斗為逝去嘅初戀唏噓無比之際，一邊星光竟將佢帶回十幾年前嘅晚上，而沙夜竟然就喺佢身邊！面對重嚟一次嘅人生，究竟曉斗會選擇留喺沙夜身邊，定係選擇另一個更加吸引嘅美少女，抑或按先前嘅人生，同屋企人移居外地呢？