打仗要贏最簡單嘅一個要訣就係以人多制勝，呢個道理喺日本AV廠之間嘅競爭亦都一樣。最近，各大小AV廠為咗喺業界最大型嘅頒獎禮AV Open 2015中贏取獎項同獎金，實行各出奇謀，有AV廠推出大堆頭作品，搵來十多名AV女優同場火併眾多男優，每一個畫面都係肉體橫陳，淫聲處處！
9月1日除咗係學校開課日，對於我哋廣大AV迷嚟講仲係一個極之重要嘅日子，大家最好喺呢一日之前做好準備工夫，好好保養雙眼以及保持精力，點解？因為有好多日本AV猛片喺當日正式上市呀！何解班AV廠約埋同一日推出猛片呢？原因好簡單，就係因為要參加日本AV界大型盛事AV Open 2015喇。呢個頒獎禮於上年開始復辦，今年繼續舉行，主要係畀AV廠參賽，爭奪獎金以及「日本一」最高榮譽！一如以往，有好多AV廠推出作品，分別於7個不同「部門」競逐獎項，當中競爭得最激烈嘅係「企劃部」，即係最佳企劃片。企劃作一向都係AV廠嘔心瀝血，花費大量人力物力同財力炮製嘅大型AV作，不過今年女優陣容強勁嘅北都集團旗下大廠S1就決定走線，由旗下7位頂級專屬女優演出嘅企劃作品《S1七姊妹同棲閨房性活》轉戰競逐「女優部」獎項，相信係因為唔想同所屬集團嘅其他AV廠正面火併。
雖然少咗S1呢間大廠競逐最佳企劃片，但係其他參賽作品一樣有睇頭兼大堆頭，當中好多作品都搵到一大班女優演出，必定令AV迷睇到目不暇給。今年參加企劃部嘅AV作品一共有23部咁多，題材千奇百怪乜都有，當中最有機會奪得冠軍嘅係北都集團旗下兩大一線AV廠Moodyz嘅《愛好者感謝祭2015啪高啪高溫泉巴士旅行》，以及由涉谷妹名廠kira*kira製作嘅《性交依存症大亂交祭》。《愛》片新意欠奉，因為呢類邀請素人男優演出嘅巴士旅行系列已經拍過好多，但係今次出動到包括Julia、霞果穗、波多野結衣等合共19位女優同數十名男優一齊去到溫泉旅行享受各種交歡樂趣，絕對係歷來最多女嘅一次！至於《性》片亦唔輸蝕，女優人數有12個，亦係kira*kira第一次同一時間搵咁多女優同場演出，而呢班火辣、淫蕩又開放嘅涉谷系辣妹則主打喺室內開派對溝仔，繼而進行多女多男嘅混亂性戰。
「企劃部」冠軍呼聲最高嘅當然係上述為大家簡單介紹嘅兩部大廠大堆頭作品，不過同一部門嘅其他作品實力一樣不能小覷，個人認為值得冷敲嘅心水作品係《野性之王國2015 橘花音》喇。呢部作品由SOD集團嘅子公司Dandy製作，安排可愛美少女橘花音去到非洲一個神秘原始部落玩「人在野」，唔係話好似《人在野》入面嘅冒險家貝爾咁玩野外求生，而係阿妹會同部落族人接觸，先體驗部落嘅原始文化，再同男族人親身進行肉體交流，於光天化日、草木茂密嘅叢林當中進行野外戰，力拚非洲土人嘅硬朗黑柴！題材同背景都別開生面，且有一種探索未知世界嘅刺激感，值得支持！
撰文：賢