近年女大男小嘅姊弟戀愈嚟愈流行，就連著名澳洲約會網站Elite Singles，早前亦進行咗個關於姊弟戀嘅調查。結果發現喺佢45萬嘅會員中，20至29歲嘅男士更傾向於姊弟戀。與此同時，亦有唔少女會員有咁嘅傾向。究竟呢種配合對男女性生活有乜嘢影響呢？美國脫星Dahlia Sky有佢一番見解。
Q：雖然拍拖唔應該有年齡差距上嘅限制，但喺性生活上，姊弟戀有乜嘢需要注意嘅地方，而你又點睇呢種關係呢？
Dahlia：我認為性愛係兩性相處其中一個部分，而呢個部分嘅影響力亦相當大。不過對我嚟講，我唔覺得姊弟戀會對性愛有負面嘅影響，反而會有助性生活嘅進行。須知道，我喺現實生活中，確實曾經同一個細我5歲嘅男士喺埋一齊。對方嘅活力同埋純真嘅睇法，令我有種特別嘅感覺。至於喺性生活中，由於我性經驗都算豐富，尤其係相對佢嚟講，故此每當喺床上，我都會扮演引導者嘅角色，慢慢地將佢帶入無比歡愉嘅世界中。喺呢個過程中，我哋不但發掘到唔少床上嘅樂趣，年輕又好奇嘅佢亦搵到取悅女性嘅方法，最重要嘅係我哋都好享受箇中嘅過程，而呢點只有姊弟戀嘅男女先至可以得到咁嘅感覺。
Q：聽你咁講應該係好享受姊弟戀嘅床上樂趣，只係我覺得對方可以學到床上技巧，咁你又有乜嘢得着呢？
Dahlia：雖然我年紀唔算大，但社會經驗相當豐富，加上我從事脫星呢行，有時都會對性愛提唔起興趣。相反，對方由於仍處於精力旺盛嘅時期，故此好多時佢都有無比嘅精力同埋活力，而喺咁嘅情況下，往往會諗出一啲新奇又刺激嘅方法，從而引起我嘅性趣。此外，佢床上嘅活躍度，更係一個我相當欣賞嘅地方，激情嘅衝刺加上每次都畀到我嘅新驚喜，都會令我產生美妙嘅體驗。不過我有點需要補充，就係因為年輕男士往往好敏感，一啲我唔認為係重要嘅事情，佢卻認為係一件必須同佢分享嘅事，因此喺平時相處中會經常出現摩擦，呢點係姊弟戀必須留意嘅地方。
撰文：魂