翌年嘅G7高峰會將於日本嘅風景勝地伊勢志摩舉行，有望令呢個原非旅遊熱點嘅地方，可憑此帶旺當地經濟。不過與此同時，卻被人翻出原來當地有個曾有「賣春島」之稱嘅渡鹿野島舊帳。呢個海島之所以有個咁不雅嘅名稱，皆因呢度風光如畫，故此島上有唔少旅館供人度假兼舉辦傳統日式酒宴。只係最早自1971年起，島上有部分旅館提供性感女郎陪酒，並且有色情服務，島上嘅居酒屋同酒吧都有咁嘅服務。雖然係咁，但島內外嘅人均對此絕口不提，換言之即係大家心照。不過經過有關當局徹底打擊後，喺2013年9月宣布島上嘅色情行業已經被全數取締，成功變成一個純粹旅遊嘅海島。