曾經有研究指出，唔少英國人迷戀異國戀情，希望能同外國人拍拖，理由唔單止在於被異國情懷所吸引，更對外國人嘅床上功夫有期待。其實呢種心態又點止英國人係咁呢？不過講到床上功夫，外國人又係咪真係勁啲呢？相信呢個問題，只有搵嚟床上經驗豐富，兼且同過唔少外國人交手嘅美國脫星Natalia Starr嚟解答，先至有說服力。
Q：喺波蘭出生嘅你，據聞早喺2012年投身四仔界前，已經有唔少床上經驗，唔知你對外國人嘅床上功夫有乜嘢睇法呢？
Natalia：其實我雖然喺波蘭出生，但喺13歲時已經移居美國，故此講到性愛經驗都係發生喺呢度。事實上，我確係同唔少國家嘅男士交過手，當中包括美國、意大利、法國、英國等，當然唔少得嚟自波蘭嘅男士。如果問邊個地方嘅男士床上功夫最好，真係冇乜準則，因為每個地方總會有勁啲同差啲嘅男士，所以呢個問題本身其實冇必然嘅答案。不過可以肯定嘅係，相對於同聲同氣嘅美國同波蘭男士，我始終覺得講外語嘅男士，佢哋有種莫名嘅吸引力。點解會咁呢？原因係由於同佢哋語言不通，故此同佢哋曳曳嘅時候，聽到佢哋用一種你聽唔明嘅語言同你講嘢時，有種好浪漫又神秘嘅感覺。
Q：換言之，即係如果你搵男友，都會希望揀選一個同你語言唔通嘅外國人？若然係，即係你覺得生活中，溝通並非重點？
Natalia：你呢個問題要分兩個層面嚟講，分別係搵床上伴侶同情侶。前者由於更加着重床上歡愉同埋一瞬間感覺關係，梗係搵個畀到浪漫感嘅男士最為理想。至於後者則講求長期關係，喺呢個問題上我始終覺得溝通先至係重點，因此我最終都係會選擇一個可以溝通得到嘅男士。當然，如果有位意大利男士，佢既識得英語又識得波蘭語，咁就更加理想。不過我想補充一點嘅就係，雖然意大利男士識得炮製浪漫，但係講到樂於遷就情侶，卻非佢哋所擅長，起碼我所遇到嘅意大利男士就係咁樣。相反，美國男士往往有意料唔到嘅驚喜，故此我覺得不論乜嘢國籍嘅男士，都有佢可愛嘅地方。
撰文：魂