你以為歐美只得AVN Awards、XBIZ Awards以及XRCO Awards呢三大成人娛樂頒獎禮？的確佢哋係主流又夠娛樂性，不過講到專業同認真，就唔及NightMoves Awards喇。最近官方宣布，所有獎項提名名單經已出爐，由即日起粉絲可以進行網上投票，雖然頒獎禮喺10月開波，但巴打依家做定功課都差唔多喇！
咁快就講定10月舉行嘅NightMoves Awards係咪早咗啲呢？一啲都唔早，事關由1992年舉辦第一屆以來，每年嘅頒獎禮都做得好認真，於7月尾8月頭公布入圍名單，然後畀粉絲網上投票，同時官方編輯部亦會商討投邊個一票，所以最終得獎名單，分別有粉絲心水及編輯部心水兩個賽果，可以一人獨攬兩個獎項，亦可能係由兩位脫星奪得，不過最佳片廠及最佳導演等就只會頒發一個獎項。至於點解會出現兩個賽果？呢方面官方冇正面交代過，極有可能係由於NightMoves本身係搞成人娛樂雜誌起家，一直發展到網絡界，跟住再搞頒獎禮，所以佢哋深信自己眼光，同時亦想公眾參與，所以就分咗粉絲心水及編輯部心水嘞。
雖然NightMoves Awards公認製作認真又有認受性，但官方好謙虛，只認喺業界排第三，排名喺AVN Awards及XRCO Awards之後。細佬就認為排名意義不大，皆因普及性先係最重要，NightMoves除咗搞實體及網絡雜誌，咁多年來都舉辦夜場活動，簡單講係夜場同脫星間嘅Agent，拉攏脫星巡迴全美艷舞場做騷，因此巴打每日都要上官網Update最新資訊，錯過活動就喊都無用喇！
有雜誌、有活動兼有製作團隊，搞埋頒獎禮係事在必行，今年鐵定於10月11日喺佛羅里達州一間俱樂部舉行頒獎禮，由即日起粉絲可以上官網投票選出心水脫星。計計數一如以往頒發39個獎項，最多人留意當然係Best Female Performer及Best New Starlet呢兩大「女王獎」，前者共有12位脫星角逐，當中有大家姐Jessica Drake及Stormy Daniels，呢兩件女多年嚟都勁撐NightMoves所舉辦嘅活動，入圍係理所當然，不過攞唔攞獎都無所謂，呢兩位大姐都唔志在，反而「蜘蛛女」Bonnie Rotten今年再度入圍，但冧莊機會極微，皆因對手有「Mike嫂」Anikka Albrite、Fit到冇朋友嘅August Ames及女神Samantha Saint，仲有剛啱開放後門嘅Carter Cruise，Bonnie要砌贏佢哋，談何容易！
此外，Best Feature Showgirl獎項亦備受注目，話晒NightMove係搞夜場活動起家，點可以唔撐行班Dancers，事實上美國好多夜場Dancers都係齋剝唔砌，但佢地嘅外形同技術絕對唔會曳過班脫星，例如睇過脫衣騷必定識嘅Bambu Jessica，佢被視為黑馬，能否得獎，大家拭目以待。最後提提大家，快啲投票啦喂！
NightMoves Awards娛樂性唔高，或者你當佢無料到，但回到1995年嗰屆，美國傳奇脫星Jenna Jameson出道一年多就勇奪Best New Starlet獎，其後嶄露頭角，一年後喺AVN Awards獲得Best Actress大獎，此後四仔事業扶搖直上，難怪業界上下對NightMoves Awards一啲都唔敢睇小啦！
撰文：祖