家陣唔少新進女模，為咗吸引大家嘅目光，都會以個樣似某位女星而自居，既可增添話題性，又可提高自己嘅知名度，可以話係一舉兩得。不過對於內地人氣模特兒慕羽茜嚟講，卻唔願以呢種方法嚟抬高自己，情願努力默默耕耘，以自身實力獲得大家嘅認同。
呢位出生於上海，今年27歲，網名慕羽茜嘅模特兒，不但擁有迷人嘅樣貌及火辣身材，而斯文內斂嘅氣質，更係有種平易近人嘅感覺，而佢迷人嘅樣貌更被唔少人稱佢同某位內地人氣女星相當似樣添！本嚟佢憑住天賦嘅優勢，加上貌似女星嘅話題性，想喺模特兒及影視界闖出名堂一啲都唔難，只係佢卻選擇以默默耕耘呢種方式邁向目標，究竟點解佢會咁揀呢？皆因佢對自己相當有自信。事實上，呢位喺模特兒界中已屬輕熟女之齡嘅索女，論外形一啲都唔覺得歲月喺佢身上留下任何痕迹，而論內涵，佢畢業於北京電影學院，又喺中央戲劇學院深造過，演戲同唱歌固然對佢並無難度，亦因為佢經過專業訓練關係，難怪佢對自己嘅實力相當肯定。
可能有人會認為，佢嘅自信有機會係誤判，只係睇番佢嘅成績後，相信可以改變大家呢種睇法。事關自佢投身模特兒界後，不但經常喺各種男士、時裝、潮流等雜誌上亮相，又頻頻以Show Girl身份參加各種商業活動，甚至為商品代言。此外，本身具備專業演技知識同訓練嘅佢更踩入演藝界，參演多套電視劇及電影作品，絕對係位全能型嘅索女。另外，仲有一件事可以睇出佢獨行嘅個性。話說網上有人指佢喺1991年出生，點知佢見到後即喺網上澄清其實佢喺1988年出世，須知道隨住時間推移，唔少女人都希望年紀愈細愈好，好似佢咁自報真實年齡嘅模特兒卻極其罕見。如此有條件，個性又堅毅嘅索女，衷心希望佢最終能夠踏上成功嘅紅地氈。
慕羽茜迷人嘅樣貌，尤其係佢電力十足嘅眼神，具有瞬間傾倒眾生嘅本錢，配合埋佢火辣嘅身材，兼且大方展現迷人曲線嘅態度，試問有邊個男士唔會拜倒喺佢嘅石榴裙下呢？如果想睇多啲關於佢私生活嘅點滴，記得追蹤住佢嘅個人微博喇！
網址：www.weibo.com/muyuqian#_rnd1437643120530
出生地：北京
身 高：170cm
三 圍：35、24、35
撰文：魂