資深四仔迷最明白，脫星走紅條件唔單只外表索、砌得狠，最重要係夠運！有囡囡由入行紅到引退，亦有人砌足十幾年都冇人識。最近有報道話自稱國際騎師嘅Brittany Andrews回歸脫星界，入行十多年嘅Tory Lane簽新經理人，兩女都話要再創事業高峰。老老實實，佢哋從來都未紅過，真係唔知點樣再創呢個高峰？
架生係脫星嘅最強武器，但正所謂咪外有咪，波哋呢家嘢日日都有新紀錄，更何況可以打假波！至於床技就冇得呃人，資深四仔迷一定睇到囡囡嘅技術掂唔掂，問題係好功夫不只你一人，加上床技要浸淫，同時歲月催人老，難道等到老巴打先欣賞你咩？所以乜都假，脫星要上位，最緊要有運行！前年Belle Knox挾住大學生之名入行喪砌為咗交學費，起初係威係勢，及後人氣大跌，幸得到退下火線嘅一姐Lisa Ann睇中，拉佢合作出騷，阿妹先至有嘢撈咋！另一位喺今年年初放棄華爾街實習生高薪厚職嘅Veronica Vain，入行大半年，啱啱先至有第一炮四仔作品出街。呢兩位囡囡都係美貌與智慧兼備，肯剝肯砌，理應可以極速走紅，但佢哋咪就係欠缺運氣，所以紅唔起囉！
新人如是，舊人亦係一樣。最近宣布全面回歸脫星界嘅Brittany Andrews，由1995年開始剝衫，一直對四子界貢獻唔少，可惜砌極唔紅，喺2006年宣布引退，展開佢嘅音樂事業，表面上話係試新嘢，實情係對四仔界心灰意冷就真。幸好阿妹喺音樂騎師界發展得唔錯，梗係啦，佢每次都着住惹火比堅尼上台捽碟，唔捽到人(興)合合就假啦！一年後佢踩番入四仔界，實行音樂脫星雙線發展，可惜都係得個做字。2010年佢轉職幕後做四仔監製及導演，但作品少又無回響，真係好運滯，撈乜都唔掂。早前Brittany透過官方網站宣告重返四仔界，多得成人新聞網站轉載先至有人知道呢個消息，但無人對阿妹嘅復出感興趣，即使其新作品已經派街，四仔迷都唔會預期佢有突破性演出囉！Brittany瞓晒身努力去做都無法大紅大紫，證明佢無運行，而另一個默默耕「淫」11載嘅美國脫星Tory Lane亦唔見得好過噃！無論你幾時睇，咩角度睇，Tory都係咁靚咁正，無擺款演出無底線，跟佢同期仲有女神Tori Black，兩個名都差唔多，但後者一早就上晒位，反而Tory妹仲要同人玩視頻，喺四仔扮熟女，無女主角做，即使曾兩奪Adult Video News Awards獎項，仍然撈極唔紅，攬住個獎又有咩用吖？
Brittany Andrews係由脫星轉做音樂騎師嘅鼻祖，阿妹打碟仲有個大名叫DJ BritStar，所有音樂都由佢一手包辦，的確好勤力呀！佢喺歐美有好多演出，水準雖未達到國際級，但粉絲一定會捧場。無奈男人係膚淺嘅動物，一班報稱有音樂細胞嘅索女脫星好似Jessie Andrews及Sasha Grey等求求其其又話去捽碟，即引嚟幾千人撐場，Brittany嘅脫星音樂騎師之名就咁畀人騎劫咗！
相信巴打都理解嘅，Tory Lane喺四仔界鬱鬱不得志，借酒消愁亦無可厚非。喺今年2月Tory就曾因為喺飛機上醉酒鬧事，最後被警察拉咗！據報道阿妹喺機艙內酒醉出手襲擊其他乘客及機組人員，飛機喺洛杉磯降落後，職員拖佢出機艙外時，Tory喪叫兼攻擊一名警察，最後要勞動FBI鎖佢走，所似大家咪亂飲酒呀！
撰文：祖