如果話優美嘅女性胴體線條，係一首美妙樂章，內地索模郝晴嘅身體，絕對可以演奏出令人心動無比嘅興奮音符。事關佢不但擁有完美體態，更有深厚音樂造詣，隨時帶畀大家悅耳又極具視覺享受嘅動人樂曲。
英文名Grace，今年22歲嘅索模郝晴，出生於繁華都市上海。雖然係咁，佢嘅外形卻無半點世俗味道，反而有種出塵嘅美態，配合白晳嘅嬌膚，令人恍如有種仙女下凡嘅感覺。佢之所以擁有與別不同嘅感覺，可能係同佢係位音樂達人有關。原來呢位外形出眾嘅索女，畢業於上海音樂學院，不論係鋼琴、小提琴、長笛等樂器都難佢唔倒，唱歌更係有相當造詣。除此之外，佢亦係專業嘅舞蹈家，可能因為長期鍛煉關係，練就出如此火辣嘅迷人身材。至於佢模特兒界嘅資歷，則要數喺學院畢業之後。憑住出眾嘅外形，不但被模特兒公司睇中，更先後拍過多輯迷人寫真，以及多個平面廣告，對一位出道不過年幾嘅模特兒嚟講，未來嘅發展絕對值得大家期待。
雖然佢擁有超凡脫俗外形，但據佢自己喺網上分享嘅瑣事中，卻不難發現其實佢亦有「人間」一面。如果要搵一個詞語嚟形容佢，相信呆萌二字最合適不過。所謂呆萌即係佢嘅性格有啲反應慢，只係呢種慢卻往往予人一種可愛嘅感覺，而從佢嘅分享中唔難發現呢點。好似佢曾經表示自己嘅人生惡運連連，曾被滾水燙過、跌過落江一次、跌過落海兩次、喺泳池浸親一次、試過煤氣中毒，又叫過兩次救護車等等。雖然好似佢所講咁人生真係幾多惡運，但從另一個角度睇，卻覺得佢呢種論盡不失可愛之處，甚至令人有種想保護佢嘅感覺。當然，佢未來嘅發展如何，除咗講求天賦條件，仲唔多唔少需要運氣，究竟佢能否喺模特兒界闖出名堂，有待時間去證實。
郝晴最迷人之處，在於佢純情時感覺迷人，火辣時又夠晒冶艷動人，極具可塑性，令佢有極大嘅發展空間。至於性格方面，聽人講就無謂，最好就係自己上去佢個人微博度睇吓，自然可以一清二楚。
網址：www.weibo.com/u/2858373580
出生地：上海
身高：168cm
三圍：33、24、34
撰文：魂