便利店經常推出印花換公仔活動，買夠廿蚊送一個印花，儲夠一定印花就可以換一個公仔。不過換公仔又點及得上睇女仔咁開心，呢班女仔仲要係索到爆燈、姣到出汁嘅AV女優，邊處有咁筍嘅活動？咪日本囉！AV廠SOD搞咗個儲印花參加攝影會活動，出席嘅女優有過百位，唔儲就笨啦！
小弟成日都話做日本人好幸福，特別係做日本男人，其他事情唔講，單係日本AV界成日有着數益當地巴打，已令我羨慕死啦！近年因為AV男優嚴重短缺，為免佢哋體力負擔太重，AV公司經常招募素人男優同女優合作，安排佢哋做汁男，甚至由女優上門招呼素人男優，真係諗起都爽死呀！此外，AV廠亦經常推出優惠益AV迷，好似早前SOD搞咗個買AV碟送印花活動，每隻碟附上一張印花值2分，而喺SOD網站購物滿10,800日圓亦可以得到3分，經過一輪點算之後，今次活動儲分最高嘅一位達1,134分，嘩！計番條數即係買咗五百幾隻AV碟，好厲害！
呢班AV迷咁支持SOD嘅出品，廠方當然唔會虧待佢哋，鐵定喺9月11日舉行一個超大型攝影會活動招待首100名最高印花積分嘅AV迷，屆時有過百名女優出席任影唔嬲。講到呢次活動嘅囡囡陣容就犀利喇！除咗有紗倉真菜、古川伊織、白石茉莉奈等6位SOD專屬女優外，仲搵嚟上原亞衣、波多野結衣、大槻響、湊莉久等超人氣女優，陣容之強簡直係史無前例，SOD為咗今次活動可謂大灑金錢，亦不枉AV迷如此大破慳囊支持。SOD表示活動將會喺東京都內一個主題公園進行，至於係邊個公園則暫時賣個關子。一眾女優喺活動當中除咗會任人影，仲會同AV迷一齊食飯同埋一齊坐人力車暢遊公園，認真係此刻無價！
SOD喺呢個感謝粉絲嘅大型攝影會活動當中，請來大批知名AV女優出席，相信當日嘅場面一定係盛況空前。而咁大型嘅場面當然要搵個有分量嘅司儀啦，最近SOD就公布咗活動嘅司儀係Myu！提到Myu，佢絕對係日本AV界嘅奇女子，今年37歲嘅佢喺2001年出道，至今參與演出嘅AV作品超過2,000部，雖然當中有部分作品只係客串演出，但係絕大部分都係親身上陣。2005年Myu演而優則導，撈埋AV監製，兩年後更成立自己嘅AV事務所。現時Myu已為人母，但係亦不忘繼續拍AV，可見佢對AV充滿熱誠。
撰文：賢