不得了喇！下個月有好多猛片出爐，真係唔知睇邊套好呀！我唔係話暑假黃金檔期嘅電影，而係指日本AV呀！最近日本AV界風起雲湧，各大AV廠紛紛推出大製作，而喺眾多作品當中都見到天后級女優霞果穗嘅蹤影，似乎霞姐今次誓要取替小向美奈子嘅王者地位！
日本AV界盛事AV Open 2015將會喺11月17日隆重上演，到時有88部AV作品爭奪「日本一」最高殊榮大獎，以及揭曉各個獎項花落誰家。除咗「日本一」殊榮夠吸引，豐富獎金亦令人流晒口水，今年嘅獎金總數高達2,350萬日圓，而得到「日本一」嘅作品可獲得300萬日圓獎金。舉辦單位經過一個月時間，召集各大小AV廠精心炮製傑作參賽之後，88部被歸類為企劃部、女優部、SM部、素人部、熟女部、乙女部以及戀物部嘅參賽作品名單經已出爐喇。喺眾多作品當中，可以見到唔少新面孔女優，而熟悉面孔嘅亦有好多，好似「暗黑志玲」波多野結衣就有5部作品入圍，人氣小天后上原亞衣亦有4部，之但係佢哋都唔夠實力與美貌兼備嘅天后霞果穗咁犀利，佢有7部作品參賽，數量冠絕所有女優，勁呀！
霞果穗嘅7部作品分別為企劃部嘅《新娘與其大家族大沉重的孩子製造》、《夢之大亂交AV All Stars》、《W誘惑姊姊》、《世界第一發射的氣勢太厲害的男人》；女優部嘅《閨房三輪車& W椅子 Special》以及SM部嘅《華和假名迷宴》、《精液終結者》，以上作品全部喺8月1日同其同參賽作品一併推出。霞果穗能夠喺短短日子之內完成7部作品可謂相當勤力，真係唔怕做殘自己。之不過小弟認為果穗所屬嘅北都集團亦用心良苦，一般嚟講，自由身女優同北都旗下各大AV廠合作，喺同一個檔期當中最多都係推出4至5部AV作品，一來女優體力有限，二來集團都唔希望同時間推出太多同一個女優嘅作品，以免自己打自己影響銷量，之但係今次北都居然一次過推出7部霞果穗嘅作品參實，實行嚟個漁翁撒網，似乎不奪大獎誓不休，相信一定係繼小向美奈子之後，希望造就霞姐稱霸於AV Open喇！
提到霞果穗嘅身世十分傳奇，於2005年出道成為寫真偶像，兩個月之後就宣告以SOD專屬女優身份拍AV，同年獲得SOD大獎頒發優秀女優獎，翌年亦獲得同一獎項成就二連霸。2007年霞果穗喺成人網絡電視Sky PerfecTV做節目主持，一直做到今時今日。另一邊廂霞果穗先後成為MAXING以及IdeaPocket嘅專屬女優，近年主要為北都集團旗下嘅AV廠拍片。雖然霞果穗唔係北都嘅親生女，之但係霞姐無論喺AV界定藝能界都極具地位及人氣，令北都同所屬事務所對佢痛愛有加。今年霞果穗出道10周年，事務所特別為佢安排多場紀念攝影會，仲搞咗個粉絲觀光船旅行嚟慶祝一番，不過有傳事務所覺得咁都未夠，故同北都作出協定，一次過安排7部由霞果穗參演嘅AV參加AV Open 2015，意欲幫助霞果穗奪得「日本一」榮譽。
撰文：賢