性感迷人OL

Supersonico作為日本人氣虛擬性感偶像，點可能唔密密推出養眼嘅模型呢？之但係佢出道咗都咁多年，賽車女郎、侍應、歌手等造型都試過，睇嚟好難搵到乜嘢有新鮮感嘅造型。咁又未必，事關佢呢次就以性感巨乳OL造型登場，更大玩絲襪誘惑添！最新登場嘅模型，佢身穿超性感嘅緊身套裝亮相，超緊又超貼身嘅制服，令佢一對巨乳無所遁形之餘，更有種Big爆衫嘅感覺。至於佢條裙更犀利，短得嚟仲玩埋高衩，甚至露出埋條底褲。不過講到誘惑度，卻及唔上佢對波點吊帶絲襪，配合佢修長美腿同高踭鞋，充分呈現OL魅力！