再嚟Feature版積頓

唔知大家仲記唔記得早排推出嘅模型系列「Ultra怪獸擬人化計劃」呢？呢個系列最大嘅賣點，就係將鹹蛋超人中嘅一眾壞蛋怪獸，變身成性感迷人嘅美少女。繼之前登場嘅美少女版宇宙飛龍積頓後，今次搵嚟日本人氣插畫師POP，以唔同嘅風格再次打造出另一種味道嘅美少女版積頓。雖然同為積頓，但POP版本中嘅佢不但變得更加有少女味，而賣相亦變得更加性感，唔單止佢條底褲變得更細條，胸圍同樣變得更細，細到幾乎可以睇晒佢對車頭燈。當然，喺賣弄性感嘅同時，POP仍然保留咗積頓嘅招牌雙角同埋佢條燕尾。