以前想搵舊鹹書，要去到深水埗嘅地方至得，只係家陣呢類型嘅攤檔已經買少見少，想翻尋味變得愈嚟愈難。不過英國倫敦就有位51歲男子Dave，花咗大半生時間儲書之餘，更喺Holloway Road開設咗一間名為RamBooks嘅舊鹹書店，等大家可以嚟尋寶。據佢講當初之所以儲鹹書，並非因為佢係鹹書迷，而係喺佢年輕時某個朝早，有相熟嘅年長朋友要搬屋，問佢有冇興趣接收約1,000本舊鹹書，當中更有喺上世紀50年代出版嘅珍藏，從此佢就開始回收鹹書嘅工作。問到佢嘅鎮店之寶係乜時，佢表示係一本喺上世紀出版量極少嘅成人雜誌《Issue 1: Volume 1》，由於數量稀少加上保養極佳關係，故此難以為佢估價。