所謂限制級亦可稱之為兒童不宜，而喺寫真作品中被稱為限制級，即係話當中嘅模特兒露出度相當高，超火辣嘅賣相睇到男士流晒口水兼充滿遐想。講到內地人氣限制級模特兒，就絕對唔可以唔提潘春春。事關當年憑住一套限制級性感寫真，成為網絡寫真天后。
出生於陝西延安，今年25歲嘅潘春春擁有多個外號，分別有夜火女神、G奶乳神、秒殺姐等等，種種稱號都係說明同一件事，就係指佢嘅樣貌同身材都相當出眾！喺2010年12月出道時，佢就以性感形象亮相於男士雜誌，性感之路由此展開。2012年以Night Fire之名活躍於寫真界嘅佢，應邀出席電視相睇節目《約會萬人迷》。當時嘅佢以超性感造型登場，不但展露養眼無比嘅乳溝，而俏麗嘅樣貌更係秒殺參加相睇嘅男士，以至台下嘅現場觀眾，因而得到以上嘅稱呼。電視節目雖然帶起咗潘春春呢個名字，但講到網絡上人氣爆發，則唔可以唔提喺2013年佢嘅一輯寫真照，當時展現出不但令男士流晒鼻血嘅美乳，迷人身段更係令人印象難忘。憑住超高人氣及火辣身材，喺2014年獲委任為陝西首屆胸模大賽形象大使。
除咗喺模特兒界走紅外，佢亦喺廣告及演藝界展露誘人魅力。佢除咗先後為多個汽車品牌、網絡遊戲、內衣等拍攝廣告及形象代言外，亦參與過唔少影視作品演出。事實上，早喺佢出道冇耐，就已經喺唔少嘅微電影、電視劇及電影中亮相，演技不但獲得好評，尤其係佢喺2011年演出嘅處女作電影《嫦娥》中，雖然佢所飾演嘅角色豆包戲份唔算多，但喺短短嘅時間就已經令觀眾留下深刻嘅印象，當然，佢嘅身材亦係閃亮嘅焦點。正當大家嘅焦點總係集中喺佢嘅外形之際，其實大家都忽視咗呢位辣模，其實曾修讀中醫課程，對傳統養生之道更有着相當深入嘅研究，並曾喺電視節目中分享心得。唔知佢亮麗嘅外形，係咪同佢深諳養生之道有關呢？
潘春春不論喺模特兒或演藝界都獲得出色嘅成績，歸根究柢唔單止在於佢出眾嘅外形，後天嘅努力亦功不可沒，之但係私底下嘅佢又係個點樣嘅人呢？想了解佢多啲，可以喺佢嘅微博分享中一窺究竟。
網址：weibo.com/512835671
出生地：陝西延安
身 高：168cm
三 圍：37、23、35
撰文：魂