唔少人都以為成人漫畫嘅主角一定係男人，皆因睇嘅人往往係男性居多，但呢種諗法超錯！因為唔少人氣作品不但從女性角度出發，透過佢哋嘅演繹更能令男讀者睇得津津有味，而當中嘅經典作品，則要數日本人氣十八禁漫畫家春沢嘅《八月、她說謊》。
春沢呢個名字雖然對我哋嚟講可能比較陌生，但佢喺日本嘅同人界則有相當嘅名氣，早喺佢正式投身成人漫畫界前，已經以同人漫畫家身份活躍於唔少同人漫畫雜誌，其後更以漫畫家助手身份參與製作。及至2009年開始以成人漫畫家身份進行創作，並喺成人漫畫月刊《真激COMICS》上發表作品。開始時佢嘅作品並未為人所留意，及至2011年3月推出《墮落的她》，憑住細膩嘅女性靈慾描寫，及激情四射嘅性愛刻畫，不但成功打響名堂，更推出佢首本單行本作品。不過講到佢人氣冒起之作，則要數呢本喺2012年12月開始連載，其後推出單行本嘅《八月、她說謊》。呢本漫畫不但為佢贏得極大回響，更被評為成人漫畫界首屈一指嘅女性心理描寫長篇作品。
雖然話係長篇作品，但單行本中卻分為3個唔同主題嘅故事。第一個故事「Friendship」，女主角那文因女性好友秋羽識咗男友後，漸漸同佢疏遠而感到不快，於是秋羽決定搵埋那文同男友嚟個性愛初體驗；第二個故事「妻子的秘密」，好色人妻沉迷同陌生男性玩性愛電話，點知有日卻發現某個神秘男士嘅真實身份。不過講到全書重點卻係第三個故事「Long Sweltering Night」，亦係備受好評所在。故事共分為5段，並以女主角川里柚維角度出發，講述佢同男主角兼初戀情人岳成晃之間嘅愛情故事。話說佢哋一開始就因一次偶然機會發生關係，從此成為他人艷羨無比嘅索女型男情侶組合。後來柚維屋企因欠債，惟有將柚維送到債主天條家做一個月女僕，點知卻受盡天條家兩兄妹百般凌辱，甚至因此同岳成晃鬧翻，好彩最後兩人排除萬難，終於大團圓結局。
漫畫名稱：《八月、她說謊》
作者：春沢
出版：Chloe出版
撰文：魂