大家或者會同小弟一樣，對於某類電影硬係睇極都睇唔明，咁又唔怪得我哋，原因係唔少電影為咗參加影展博攞獎，拍得富有藝術感。之不過，日本AV就唔同喇！為咗攞獎，AV廠會花盡心思拍得更加精彩，就好似參加AV Open嘅作品咁！
話咁快今年就度過咗半年，而小弟真係好希望快啲到11月，皆因日本AV界有盛事舉行，呢個就係AV作品比賽AV Open 2015喇！話說上屆AV Open 2014相隔7年之後才舉辦，結果得到空前成功，有鑑於此，主辦單位最近宣告今年載譽歸來，隆重舉辦AV Open 2015，頒獎予拍得精彩無比又獲得AV迷支持嘅AV佳作，除咗有名銜，仲會有獎金，對AV廠嚟講絕對係最佳鼓舞。上屆就吸引到全日本AV界提供86部高水準AV作品參賽，送出嘅獎金高達1,400萬日圓！至於今屆大會再加碼，送出2,350萬日圓獎金，同時作品數目亦增加至88部，並於8月1日同步上市，到9月1日至30日公開予公眾以一人一票方式選出心水作品。
今屆AV Open同上屆有少少分別，上屆嘅獎項大致分為3大級別，而今屆就會將作品因應題材分為7個組別，分別係女優部、熟女部、企劃部、乙女部、SM部、素人部以及戀物部，每個組別都會設有冠亞季軍獎項，獎金分別為100萬、50萬以及30萬日圓。另外，所有作品都可以競逐「日本一」最高榮譽大獎，贏取高達300萬日圓獎金！早前大會為隆重其事，特別舉辦「AV Open 2015～由你決定，成人錄像日本一決定戰～」，當日大會先請出本屆嘅宣傳大使佐倉絆、天使萌以及松岡千菜出場，然後再請出分別由四大AV集團包括北都、SOD、KMP以及Prestige嘅女優代表，每人舉起一個印有AV廠標誌嘅牌進場，情況好似運動會開幕儀式咁。超人氣女優上原亞衣代表AV廠「本中」到場，之後更以總代表身份上台宣讀誓詞，以表示大家都會努力拍好AV參加比賽，睇見班女優咁認真，真係令人好期待今年有大量猛片參賽呀！
提到上屆AV Open 2014最威水女優，一定係巨胸藝能人小向美奈子喇！美奈子憑住開放前後門瞓身演出作品《顏射中出後花園Fxxx》，贏得大會嘅Heavy Weight冠軍之餘，仲喺芸芸咁多高水準AV作品當中，勇奪埋「日本一」大獎，得到嘅獎金合共700萬日圓，認真威水！只可惜，美奈子早前又再因為犯上「不可一，不可再」嘅罪行被警方捉咗去坐花廳，睇嚟今屆都好難會再下一城喇。
撰文：賢