飲杯咖啡的確好醒神，原來仲有助性功效？日本紙水咁低，去日本旅行相信係好選擇，但係邊個縣最值得去呢？畀啲貼士大家，宮崎縣女性嘅一夜情比率為全國最高！香港嘅都市人一般都唔夠時間休息，情況喺英國亦一樣，好多人仲話鍾意睡覺多過做愛添！
為你煮熱咖啡，為你斟到瀉，味帶香又帶甘，是那黑咖啡……想當年阿姐唱呢首名曲的確令人充滿遐想，事實上咖啡又真係同性扯上關係喎！早前美國德克薩斯大學嘅教授做咗個調查，睇吓咖啡對於男性嘅性功能有冇影響。調查邀請到約四千名成年男性幫手，發現每日飲用兩杯咖啡嘅患上勃起性功能障礙嘅比率，比起完全唔飲咖啡嘅男性低百分之四十二！教授就話當中嘅原因係咖啡因令陰莖附近嘅肌肉以及血管放鬆，血液就可以更順暢咁流到陰莖喎。另外，美國嘅全國健康與營養調查亦顯示，每日飲一杯或以上咖啡嘅女性，其性愛活躍程度亦較唔飲咖啡嘅為高。之不過，教授就話咖啡雖然助性，但係千祈唔好過量飲用，因為太多咖啡因會導致心血管毛病，總之都係嗰句─適可而止啦。
小弟近日正計劃喺秋季去日本旅行，地方就選定秋田縣，因為當地有個知名嘅溫泉勝地叫做乳頭溫泉鄉，環境優美之外，仲有得男女共浴添。之不過，睇完日本呢個調查，我就同班朋友講要改去宮崎縣喇，點解？因為當地嘅女仔好開放。日本新聞網站News Postseven有一個網上調查，搵到超過三千名日本各個縣嘅女性協助，睇吓佢哋一夜情嘅比率有幾高。協助調查嘅女性平均年齡為42歲，全部有性經驗。眾多縣當中，女性試過一夜情比率最高嘅就係宮崎縣，比率為61.5%，排第二同第三嘅分別係青森縣嘅60%以及福島縣嘅59.1%。負責是次調查嘅縣民性研究家失野先生就表示，宮崎縣嘅女性對於性行為嘅考慮唔多執着，故對第一次認識嘅異性可謂全無戒心喎！大家下次去日本不妨考慮一下宮崎縣喇。
近期電視台嘅深宵時段接連有經典名劇播放，每晚就算幾眼瞓都要睇完至肯就寢喇，亦成為小弟朝早返工不時「釣魚」嘅最佳解釋。不過，就算深夜冇煲劇，相信好多香港人同小弟我一樣深受唔夠瞓之苦，就算喺英國情況亦差唔多，更加有人寧願瞓覺都唔願做愛添！當地一項調查發現，逾半男士表示如果要喺早上做愛以及多睡一小時之間作選擇，佢哋會選擇後者。另一方面，女性對此亦有類同嘅見解，受訪嘅女性當中亦有72%表示，朝早適合做任何事，做愛則為例外，可見女士們似乎都唔係咁鍾意「晨操」。
撰文：賢