細細個開始睇鹹蛋超人，最鍾意睇佢哋打怪獸，而當中最印象深刻嘅莫過於被喻為最強敵人嘅外星怪獸，外號宇宙飛龍嘅積頓，因此一聽到佢推出模型時即刻諗住入手，殊不知一睇之下，咦！點解係個女人嚟嘅？原來呢個係最新推出嘅模型系列「Ultra怪物擬人化計劃」中嘅作品，意念就係將一班惡形惡相嘅怪獸，變成養眼兼火辣嘅美少女，而呢個美少女版積頓就咁應運而生。雖然變咗個美少女，但佢不但保留咗積頓嘅標誌性彎角，而胸罩嘅設計更係相當有心思，只係無可否認，呢位美少女嘅賣相真係好掂，唔講佢對燈有幾迷人，單係對長腿已經夠吸引，睇嚟真係有啲愛上咗佢。