每到夏天一出街成個人就會成身汗，既然天氣咁熱，不如去海灘游水好過，之但係一諗到海灘逼滿晒人，仲要眼見有啲人着住底衫褲就咁跳落水，認真老套兼核突，諗諗吓不如留番喺屋企，睇吓呢排有乜嘢搞笑又香艷嘅新聞，同各位巴打分享好過。
究竟乜嘢到咗夏季最活躍？意大利帕爾馬大學一個研究團隊就話畀大家知，精子喺呢個時候最為活躍！佢哋收集咗5,188名男性嘅資料並加以分析，結果發現佢哋嘅精子喺夏天最有活力，穿越女性子宮頸、子宮同輸卵管直抵卵子嘅能力亦係最高，而喺冬天嘅時候雖然精子嘅數量最多，但係活力卻較差。有關研究員表示，如果想令女性懷孕，男性嘅精子起碼要有四成處於活躍狀態至能夠成事。換言之，如果男士想令女伴「中獎」，就要把握夏季呢個良機喇！不過話說回來，究竟現今社會有幾多個男人真係想搞大女伴個肚呢？
男人企喺尿兜前唔多唔少總會有啲忌諱，皆因最怕同人貨比貨，萬一見到人哋支兵器比自己大，你話幾咁唔開心呢？不過就算係細兵器，嚟到呢間位於紐約布魯克林嘅酒吧King's County Bar不但唔會自卑，更有機會得到500美元（約3,900港元）嘅獎金，皆因佢哋日前舉辦咗第三屆「最細小陰莖」比賽。正如比賽嘅名稱，參賽男士以擁有最細兵器為榮，佢哋身穿唔同嘅性感戰衣，目的係盡情展現自己細細隻嘅雀仔，而場內玩家更嚴守唔可以嘲笑參賽者嘅規矩，氣氛真係正到爆！本嚟今屆大熱係去年冠軍印度男士Rajeeve Gupta，只係當晚佢冇現身，結果由去年亞軍Puzzlemaster獲得。
大家要知道飛機上係唔畀曳曳嘅，只係有啲人仍然對呢件事充滿幻想，甚至度條屎橋兼拍片滿足呢種幻想。最近YouTube嘅「LifeAccordingToJimmy」頻道推出惡搞影片，以誇張又搞笑嘅方法話畀大家點樣可以做到喺飛機上曳曳。片中男女想曳曳，於是女方就借故大吵大鬧，男方就扮嘈到好冇癮然後走咗入廁所，女方梗係跟埋去啦！結果兩人喺廁房內一邊扮鬧交，一邊喺度曳曳，完事後兩人若無其事返回座位，男方更懶唔好意思咁同其他乘客道歉。呢條片上傳短短三日，就吸引超過147萬人點擊，有人認為第日若然喺機上見到有情侶鬧交，都會懷疑其實佢哋係咪想乘機曳曳喎！
撰文：魂