模影模蹤:梅宮萬紗子阿叔讚好波!

最近香港隊真係好波,主場以7:0大勝不丹,果然不負我哋一眾球迷嘅熱情支持。講到波,日本班水着女星亦一樣好波,好似美魔女梅宮萬紗子,更加好波到連阿叔都大讚!

艷熟迷人

日本藝能界盛產美魔女,好多知名女星即使上咗年紀,依然容光煥發,風采迷人,艷光四射,好似以拍攝《花與蛇》而聞名嘅杉本彩以及小雪都係美魔女嘅代表。除咗佢哋,今日為大家介紹嘅呢位梅宮萬紗子相信係繼佢哋之後,最備受注目嘅美魔女新代表。萬紗子今年38歲,但係睇個樣都只不過係三十出頭,可見佢保養得非常之好。萬紗子氣質清麗脫俗,但拍寫真嘅時候要佢風格一轉,卻又可以流露出一派千嬌百媚嘅妖艷感覺,呢種正正就係青春美少女所欠缺嘅成熟韻味。萬紗子嘅身材應大則大,應細則細,腰肢纖巧,而上圍嘅C-Cup美乳就大小適中,最重要係佢咁嘅年紀都能夠保持肌膚鮮嫩白滑,更加增添胴體嘅誘人魅力。

才華優秀

梅宮萬紗子嘅C-Cup上圍夠挺又夠睇頭,連見慣好波嘅老牌男演員梅宮辰夫都大讚一流,呢位梅宮辰夫其實就係萬紗子嘅叔叔。此外,原來日本知名型男高橋克典都係萬紗子嘅親戚。之不過,萬紗子喺藝能界發展順利絕冇依靠半點人事關係,全憑實力使然。阿妹才華優秀,識得空手道、茶道同舞蹈,英文亦講得相當流利,成為演員之前據聞曾經做過國會議員嘅秘書。1997年,萬紗子初演嘅作品就係電視劇《研修醫奈奈子》。經過一段日子磨練演技,喺《華和家之四姊妹》當中以大島優美一角備受注目,漸漸喺演藝事業發光發熱,其曼妙體態更贏得舞台劇界賞識添。最近,萬紗子就忙於7月上演嘅大型舞台劇《戲曲Operation》排練,如果去開日本不妨捧吓場喇。

個人博客

梅宮萬紗子會將其生活點滴嘅消息喺博客發表,如果大家想深入了解佢嘅生活,可以Click上去睇。

網址:http://ameblo.jp/masako-umemiya

梅宮萬紗子Profile

年齡:38歲

身高:5呎4吋

三圍:34-24-33

撰文:賢