對我哋嚟講，美國城市亞特蘭大相對比較陌生，最多記得佢曾經舉辦奧運及有支NBA球隊，而講到艷舞娛樂則冇乜聽過。不過我哋未聽過卻唔代表冇，事關當地就有間連國際著名歌手Rihanna、Beyonce等，都要嚟到取景拍MV嘅超人氣艷舞夜店Magic City。
呢間開業30年嘅老牌夜店，咪以為佢歷史有番咁上下，裝修相當老套，查實佢嘅設計十分現代化，只係呢個並唔係重點。佢之所以深得美國名流、明星、潮流達人等嚟捧場，係因為呢度超出色嘅艷舞演出。擁有一支專業級演出團隊嘅佢，每個月都會表演精心編排嘅高難度艷舞，配合一流嘅舞台效果，提供極具娛樂性嘅演出，難怪每晚都會逼滿人潮。
撰文：魂