高嘅英文係High，如果問大家有乜嘢情慾詞語會用到呢個字時，大家好多時只係諗到高潮同玩得High。除此之外，其實仲有唔少情慾詞語同佢哋有關，當中不僅有玩樂俚語，就連美日AV界亦可以見到佢哋嘅蹤影。
莫非「High Sex」係形容一場性愛令人相當High？咁諗又唔錯得晒，事關佢真正嘅意思，係指男女雙方喺極High、極興奮嘅情況下曳曳咁解。究竟乜嘢情況之下，男女雙方未入正題就已經High爆呢？據稱一般係指男女飲酒飲到面紅耳熱，精神同肉體已經去到被慾火衝昏嘅情況下曳曳，就會用呢個詞語嚟形容。講起High爆呢個問題，男人想未入正題就High爆，最簡單嘅方法係飲酒，只係有研究發現，對女性嚟講卻係玩一些極為刺激嘅機動遊戲，例如過山車、跳樓機、狂轉摩天輪等等，就足以令佢哋興奮到暈。
High Heel中文解做高踭鞋，而Fetish則解作戀物癖，故此「High Heels Fetish」就係高踭鞋戀物癖，亦係戀物癖嘅一種。有呢種癖好嘅人會對高踭鞋產生性幻想同性慾，並經過觀賞、觸摸、聞嗅、舔食等加上自娛或曳曳從而得到性滿足。不過講起高踭鞋，大家咪以為佢係家陣先至出現，事關據中國東漢時期劉熙所著嘅《釋名‧釋衣服》中，就記載咗一種叫「晚下」嘅高踭鞋，而最早出土嘅女性高踭鞋則喺「明十三陵」中嘅明定陵內發現，據講佢係明神宗孝端顯王后嘅物品。另外，喺約公元1500年嘅西方，亦有關於高踭鞋嘅記載，當時佢係用嚟方便騎馬。
如果以為成功從AV女優轉型做藝人，只得蒼井空嘅話就大錯特錯，因為喺佢之前仲有位喺AV界更紅、更有人氣嘅女優，佢就係高樹瑪莉亞！呢位先以原由紀子之名於寫真界出道，其後改名為井上梨花，最後喺1999年改做家陣藝名嘅女優，喺2002年12月底正式投身AV界。早喺佢成為AV女優前，憑住亮麗嘅外形及E罩杯嘅激凸身材，已喺寫真界人氣極高，及至佢宣布成為AV女優，並推出處女作《SUPER★STAR》時，人氣更係飆至頂峰。喺2003年開始，佢開始演出電視劇，其後喺2003年底宣布引退，並喺2004年2月推出引退作《fin》。引退之後，佢先後參與多套人氣電視劇演出，當中分別有《契約結婚》、《護士小葵》、《黑太陽07 Special》等，至今仍活躍於電視劇圈。
如果問收入最高嘅美國脫星係邊位，唔少人都以為係天后級脫星Jenna Jameson，只係講到現役亦即係仲有演出四仔嘅脫星，則要數今年38歲嘅Tera Patrick。呢位被冠以現役薪酬最高嘅脫星，單喺2014年嘅收入就估計超過100萬美元，而佢個人嘅身家更係高達1,500萬美元（約1億1,650萬港元）！究竟呢位喺1999年出道嘅脫星，點解可以有錢成咁呢？歸根究抵在於佢擁有36DD、24、38嘅火辣三圍，同埋出色嘅營商頭腦。憑住佢英泰混血兒嘅魅力及迷人身段，好快已經喺四仔界成名，連續喺多個成人頒獎禮中獲獎外，佢又經營脫星中介公司同四仔片廠Teravision，而單係呢間片廠就已估值高達3,000萬美元。此外，佢又係一位著名成人節目主持人，難怪身家如此豐厚。
撰文：魂