日本AV界KMP曾經盛極一時，皆因有G奶美神神咲詩織、麻倉憂以及藤井雪莉三位優質小花頂住，自從三位女優過檔之後，KMP唔係冇努力發掘新人，但係咁多位新人都冇個掂，近年唯一可靠嘅親生女只係得佐倉絆一個，專屬陣容當中嘅女優好似星美梨香、友田彩也香都係向外收購返來。喺暑期呢個AV界重要檔期，KMP唔敢鬆懈落嚟，搵咗一個質素優秀嘅天然美少女應市，呢位就係水嶋杏樹喇。杏樹被KMP安排為暑期重點新人，其氣質斯文綺麗，身材苗條婀娜，雖然膚色偏黑，但卻帶出一種健美感覺，KMP女優陣容當中正係缺少呢種健美囡囡。杏樹嘅出道消息宣布之後，AV迷反應大致向好，希望杏樹好好珍惜機會盡力發圍啦！