古有巴拉圭咪神Larissa Riquelme胸夾手機，今有德國脫星Anike Ekina雙咪夾汽水罐成功上位！更掀起熱潮，唔少歐美女網民都爭住夾，有囡囡甚至夾起2公升裝汽水！雖然呢個挑戰「歧視」微波妹，但Anike就因為咁而爆紅！
最近網上掀起名為「波夾汽水罐挑戰」，情況就好似舊年「冰桶挑戰」一樣成為全球熱潮，今次挑戰方法係將罐裝汽水放喺事業線位置，利用咪咪夾住，仲要左右揈同上下跳，咁都唔跌落地就為之成功，最後將夾汽水罐片段或相片掟上網同大家分享。呢個挑戰開始以來不只女人玩，連男人都爭住試，認真搞笑！
報稱係由模特兒Gemma Jaxx發起呢個活動，更聲稱為乳癌患者籌款，及後被踢爆活動同慈善無關，不過仍無損大家挑戰意欲，好似德國中女Anike Ekina係第一批玩夾汽水罐嘅脫星，據講阿妹目的係希望引起各位女士關注乳房健康，咩八字波、下墮波、鴛鴦波等都可以「一夾即知」，阿妹嘅言論一出，立即吸引女網民爭相解放上半身，用蓋掩、乳貼、膠布等遮住兩點露出大奶接受挑戰，當中大部分係高頭大馬白種妹同南美妹，另外有幾件自稱日本妹、泰妹同馬拉妹，至於港女就一個都冇。
呢個挑戰玩幾耐都好，Anike Ekira肯定係大贏家，因為今次活動令阿妹人氣急升紅爆全球，各大傳媒都爭相追訪佢。呢位31歲中女上年先正式落床，當時外界只視佢為一件普通中女，但事實上阿妹唔只架生正，性幻想仲超豐富，瞓身做脫星之餘，仲做埋四仔導演，至今演出超過15部四仔，當中大部分係佢自編自導自演添。Anike非常有個人風格，四仔封面設計簡單，毋須用官能刺激吸引買家，阿妹話要用真材實料滿足各界喎！
未玩波夾汽水罐之前，Anike喺德國成人界已有名氣，經常借色情或裸體出位，好似早前佢參加裸體滑雪，仲拉埋班脫星姊妹趁機宣傳新碟；另外佢見咁多脫星推出名器J杯，都要整番個喺個人網站發售，果然諗頭多多，唔知阿妹下一波又會有乜搞作呢？
出生日期：1984年10月7日
三圍：34F-26-34
身高：5呎9吋
撰文：祖