成日聽到啲人話眼睛飽吃冰淇淋係男士嘅專利，其實呢句說話唔係偏頗，因為男人天生鍾意(目及)嘢，當有好嘢(目及)嘅時候，梗係唔會錯過啦！講開(目及)嘢，英國有男士招聘全裸家務員並聲稱只為欣賞，日本搞咗個迷你裙走光角度嘅實驗，而俄羅斯則出現新一代嘅芭比娃娃，兼且過住同芭比一樣嘅人生，呢次真係睇得興奮呀！
如果有一份時薪高達240港元嘅家務助理工作，只係條件喺工作時必須全裸，唔知大家有冇興趣呢？英國布里斯托（Bristol）嘅一名69歲退休男阿John，早排喺當地張貼一則招聘家務助理嘅廣告，工作嘅要求為年齡20至55歲嘅女性，時薪20英鎊並「必須」全裸工作。據佢講全裸用意僅為欣賞之用，佢又話自24年前離婚後一直冇再娶，喺幾年前開始招聘全裸家務助理，目的乃希望為生活添情趣。大家唔好以為佢發癲，實情係當時真係有成11個女性應徵，仲先後聘用過三位全裸家務助理！首位為35歲女性，工作18個月後因丈夫搬屋而辭職，第二位則為老師，因擔心畀學校知道後開除而辭職，第三位亦因搬屋而辭職，因此佢家陣要招聘第四位幫佢做家務。
對女士嚟講，炎炎夏日又係迷你裙出動嘅日子，只係涼快嘅迷你裙卻有好大機會走光，尤其係坐喺度嘅時候！日本雜誌《周刊SPA!》就以「迷你裙危險地帶」為題，進行咗一連串嘅走光實驗。佢哋搵嚟一位身穿迷你裙嘅女模，並以身高170厘米嘅男士作為研究基準。假設當呢位男士坐喺電車內，以平視角度睇住呢位女模時，究竟有幾大機會(目及)到對方嘅底褲呢？答案係好大機會！若然女模換上膝頭對上20厘米嘅迷你裙，而對腳張開幅度達5厘米嘅話，迷你裙下嘅絕對領域就會完全外露！不過話說回來，日本真係好鍾意做呢方面嘅研究，好似佢哋就有個「妄想科學研究所」經常從事呢種(目及)嘢研究，有興趣嘅話可以去睇吓。
事關繼全球知名嘅真人芭比Valeria Lukyanova之後，家陣又出現一位名叫Angelica Kenova。呢位今年26歲嘅俄羅斯人肉芭比，唔單止擁有32E嘅車頭燈，腰圍更只得20吋，只係咁都未夠誇張，據佢講父母係以芭比嘅規格將佢養大，先至可以造就出佢今時今日咁嘅外形！乜嘢叫做芭比規格呢？佢解釋自6歲起父母就當佢係公主咁養育，既唔畀佢外出又唔畀佢同男性約會，着衫要問過阿媽，亦冇任何成年人該有嘅生活體驗。而為咗保持身材，不但要嚴格控制飲食，仲要每周5次長達3個鐘嘅健身特訓，佢更坦言一啲都唔適合喺現實世界生活。睇完呢單新聞真係有啲擔心，查實佢係咪自知有社交障礙嘅呢？
撰文：魂