邊個話搵脫星替品牌拍廣告甚至代言，一定會影Cheap品牌o架！今時今日，男人識睇四仔變成有品味，女人就被視為現代女性，咁所以，脫星都可以好潮好有態度，亦因為佢哋不但喺色情界起朵，搵佢哋去演出，唔使谷唔使Book，鍾意幾時搵都得，慳錢慳力仲有意想不到嘅效果添，好似有「黑妹」之稱嘅Chloe Amour咁，一年唔夠再度替潮流品牌拍寫真，咁搞法遲吓仲使乜剝衫呢？
床上脫星跨媒界喺其他領域出現甚至起朵都唔係新鮮事，更可以話係大趨所勢，早喺90年代經已出現，當時興搵脫星出Tee，之後又有滑板、衫褲鞋襪等，當然囡囡定係炙手可熱嘅脫星啦！大概五年前左右，不少街牌都會搵脫星客串着住衫褲拍寫真，既吸睛又可促銷，巴打認為好潮喎！而歐美色情媒界曾有研究，認為搵床上脫星合作比起搵真正Model宣傳效果仲要爆，分析認為脫星呢樣嘢經已唔再係收埋屋企爽嘅用途，已變成偶像、性感嘅代言人，男人會追捧，更會攞出嚟分享。
就以喺五月份替一個美國潮流街牌JZL拍攝寫真嘅Chloe Amour嚟睇，有留意的話就知並非首次，自喺舊年底公司搵佢拍咗輯全裸寫真賣衫褲後，據講外界反應超好，品牌大賣，形象又提升，結果讓公司上月再翻兜Chloe妹，網站免費有得睇。坦白講，查實阿妹兩次都冇Hard Sell，只係拎住吸塵機、食吓雪條，玩吓玩具槍咁就收工，可以話純粹賣「Feel」，網友話反而嚟得更自然，忍唔住撐阿妹買多兩件喎！
至於今次主題叫「Pornstar Chloe Amour XXX」反而連品牌Tee都冇着番件，一味行行企企騷盡波哋咁就收檔，阿妹接受成人網訪問表示，係品牌睇中佢健康性感兼有活力，同品牌形象非常匹配，更大讚負責操刀攝影師Greg好專業，拍得佢好靚。但事實對品牌嚟講，呢個純粹係商業活動，皆因阿妹社交網多「粉絲」，呢輯寫真除喺JZL網站有得睇，連佢嘅所有社交網都睇得到，又好似阿妹Twitter大頭照就放咗街牌頂帽喺隔籬，有人免費宣傳，乜都抵啦！
潮流Tee都未算多，近年不少脫星學人唱兩嘴，再唔係就做MV女郎，好似舊年神級Rapper Coolio就替成人網Pornhub唱咗首主題曲，MV內有多件正爆脫星坐鎮；而喺4月份就輪到另一位饒舌猛人Waka Flocka Flame幫同一網站又唱又跳，仲請嚟Skin Diamond、Eva Angelina及Chanel Preston演出，意淫到震呀！不過講叻冇人及Jessie Andrews咁醒，呢件90後喺四仔界多人Like，原來更係一名珠寶設計師，喺2012年入行同時創立個人品牌Bagatiba，家陣雙線發展，得閒就戴住個人設計產品影寫真！所以話脫星唔一定要砌，搵佢哋做宣傳絕對慳水慳力呀！
撰文：祖