脫衣舞文化喺美國植根已久，當地有唔少脫衣舞夜店已經變得相當現代化，以迎合現今玩家嘅審美觀。雖然係咁，但有部分仍保留住傳統嘅美式脫衣舞夜店風格，位於波特蘭Rose City超過45年歷史嘅Mary's Club就係其中之一。
呢間裏裏外外仍保留住70年代美國風情嘅脫衣舞夜店，店內用咗大量木製材料裝飾，既懷舊又有親切感。每晚超過25名性感女郎喺舞台上演出，從鋼管舞、火辣Hip Hop到脫衣舞女郎主打嘅剝衫棟篤笑等應有盡有。此外，玩家除咗可以拎住杯酒喺度睇表演外，仲可以喺店內掟飛鏢、打桌球同睇波，得閒仲可以喺佢部超過50年歷史嘅點唱機度投幣點歌，感受一下舊日美式情懷。
撰文：魂