天文台話由於受到厄爾尼諾現象影響，香港今年又熱又多颱風。咪以為天氣同去梳乎嘅關係唔係咁大，如果天氣熱到爆又經常打風嘅話，邊個仲有心情去玩呢？睇嚟都係時候要關注一下大自然，天氣好啲人都精神啲，去玩都玩得開心啦！
不嬲都話樓上個體戶嘅反應真係零舍快人一步，推出嘅服務名副其實緊貼市場。唔知佢哋係咪有睇新聞，知道今年厄爾尼諾現象會影響香港，就推出相當奇特嘅「冰蛋套餐」，仲話全港僅此一家添！查實所謂冰蛋，只不過係將冰塊雪到好似雞蛋咁大粒，然後再用佢嚟冰鎮蛋蛋，加埋熱茶嚟輔助，喺呢種一時冷又一時熱嘅服務中，產生出冰與火之間嘅快感，不但令人興奮無比，仲可以令玩家刺激到飛起咁話。不過話時話，有囡囡表示有啲巴打直接將冰蛋擺入杯飲品度，話咁樣先至係真正做到凍冰冰喎！
一場停電，差啲搞到有人要跳樓。有冇咁誇張呀？話說坊間流傳有時KO去桑拿做嘢時，會要求個場先熄晒啲燈，等啲玩家唔敢亂咁郁後，再將佢哋一網成擒。雖然一直係坊間傳聞，但須知道傳聞呢啲嘢傳吓傳吓就變成真。話說深圳有個桑拿場平時電力已經唔係咁穩定，呢期咁熱令用電量飆升，搞到有日營運期間電錶房突然跳掣，搞到成個場漆黑一片。有玩家見狀以為係KO嚟做嘢，驚到失失慌嘅佢竟然一手推開技師，一手打開個窗，諗住飛身跳出去！好彩技師反應快，拉住佢先至冇意外咋！
台灣嘅外送茶服務，一直以嚟都係各有各做，亦即係你有你喺酒店派卡片，佢有佢喺聊天App上賣廣告，囡囡嘅價錢則係按質素而定。本嚟呢種做法既行之已久，又好似幾有效。不過最近就有傳聞，台北有人希望可以統一大家嘅價錢，等玩家可以用劃一嘅收費，嚟享受到送茶妹嘅服務。老實講，呢啲新聞真係聽過就算，唔單止因為三不五時會有呢啲傳聞出現，而係心水清嘅玩家都知，劃一收費喺操作上極為困難，須知道咁多公司佢哋嘅定價模式都唔同，最重要係從玩家角度睇，劃一收費嘅話咪冇得格過價先至入閘，因此睇嚟成事嘅機會唔大。
日本有唔少專為偷窺愛好者而設嘅偷窺風俗店，佢哋嘅收費方法係逐分鐘收費，而玩法就係先收玩家入場費，然後讓佢哋進入一間單向鏡房內，睇住鏡另一面嘅風俗孃換吓衫、煮吓飯或睇吓書咁，從而滿足佢哋嘅偷窺慾。本嚟呢種玩法冇乜唔妥，只係一間位於東京原宿嘅偷窺風俗店，卻因為老闆太過貪心，而搞到畀人查封，究竟發生乜嘢事呢？原來呢位風俗店老闆，喺偷窺房內加裝咗幾個偷拍鏡頭，不但偷拍店內風俗孃嘅換衫片段，仲要將佢擺上收費網站搵錢，呢種做法梗係畀人投訴啦！最重要係有關方面調查後，發現風俗店原來係無牌經營，你話唔畀人查封就奇。
撰文：魂