以前嘅舞會係年輕男女互溝勝地，而時至今日Disco就係溝仔同溝女嘅熱門地點，喺舞池度走埋去同心儀目標跳番Part辣舞，跟住想溝到手就話都冇咁易。事實上，有唔少情慾詞語同舞及Dance有關，就連美日嘅AV界亦有唔少佢哋嘅作品。
Mattress中文解做床褥，既然係咁，「Dance On The Mattress」嘅意思唔通解做喺床上跳舞？係就係喺床褥上郁嚟郁去，但唔係跳舞而係曳曳。須知道有時同囡囡講想同佢有下文時，又唔可以講得太過直白關係，因此產生呢個咁婉轉嘅詞語。不過話說回來，曳曳係咪一定要喺床上呢？喺2013年美國有網站進行一個調查，睇吓大家認為屋企邊個地方最適合曳曳。結果喺超過340受訪者中，有五成一表示睡房係最理想不過，其次分別係一成六嘅浴室同一成四嘅客廳。睇嚟大家都覺得睡房係最啱曳曳嘅地方喎！
如果有番咁上下舞林資歷，都會知道「Dirty Dancing」係指曾經喺80、90年代流行嘅辣身舞，只係喺情色俚語中卻解作曳曳。皆因跳辣身舞時男女要貼到實一實兼起勢扭擰，動作好似做愛，因此有曳曳嘅意思。時至今日，辣身舞喺美國已演化成更激、更大膽嘅電臀舞（Booty Dance）。呢種辣舞最大嘅特點，就係女方用腰同膝頭，令臀部不斷搖擺，不但可凸顯美股誘惑，而激情無比嘅動作更極具挑逗性。由於呢種舞姿相當誘人，故此美國有唔少辣妹愛跳之餘，喺唔少MV嘅舞蹈中都能發現佢嘅蹤影。
唔知大家仲記唔記得，一套喺1987年推出嘅美國愛情跳舞電影《辣身舞》（Dirty Dancing）呢？浪漫嘅愛情故事，加上出色嘅音樂同舞蹈，不但至今仍令人回味不已，更吸引美國四仔片商Paradox Pictures，喺2013年推出惡搞作品《OMG... It's The Dirty Dancing XXX Parody》。故事橋段跟足原作，不但加入大量鹽花，更係四仔中罕有地有歌舞情節嘅作品，最重要佢搵嚟超索脫星Dani Daniels，飾演女主角Frances。據片商介紹，四仔版本比原作更加完美，同埋更令人興奮。作品分別喺2013年嘅Sex、2014年嘅AVN同XBiz四仔頒獎禮中，獲得最佳惡搞作品、最佳惡搞女主角、最佳惡搞劇情等提名。
講起同舞有關嘅日本AV女優，又點可以唔提當年風靡萬千香港AV迷嘅女神夕樹舞子呢？呢位喺1977年1月30日日本新潟縣出生嘅女優，早喺1995年4月以處女AV作《處女宮 卒業》宣告出道。清純嘅美少女形象加上宇宙企劃大力催谷，人氣有段時間極高，可惜傳聞佢當時患有男性恐懼症關係，故此出道一年並推出幾套作品後，冇耐就冇晒蹤影。不過佢點都估唔到，竟然會喺香港爆紅！日本嘅AV片商見佢紅成咁，於是搵佢返日本復出，並喺1998年推出《復活的女神》。不過隨住日本嘅AV迷對佢嘅熱情漸漸冷卻，縱然佢轉攻重口味作品，仍然難以起死回生，又再慢慢咁淡出當地市場，只係佢至今喺香港仍有相當嘅人氣。
撰文：魂