美國德州早前有研究指，少女喺童年時若然失去父愛，會導致失身年齡偏早或涉及濫交等性問題。不過對於呢個說法，美國拉丁裔脫星Liv Aguilera卻唔同意，佢以自己為例，縱然喺細個時甚少見到父親，亦冇影響到佢嘅性愛觀，反而認為建立自己嘅性愛觀至係重要。
Q：今年24歲嘅你點樣睇失身呢個問題？須知道美國有調查指，如果細個時缺乏父愛，會令少女嘅性愛觀有偏差，繼而有機會偏早失身。
Liv：雖然有專家指，父愛喺失身問題上有相當嘅重要性，但我並唔係十分認同，反而認為點樣建立自身嘅性觀念先至係最重要。以我自己為例，我其實喺細個時，已經甚少見到父親，而母親又為咗工作，因此同佢相處嘅機會唔多，只係咁樣係咪代表我好早失身呢？咁又未必。因為我直到成年後，先至初體驗性愛滋味。我之所以咁講，唔係想表明我有幾咁堅持，而係想表達一個人嘅價值觀係從多方面建立起嚟，父母固然係其中一部分，身邊嘅其他人亦好重要。當然，我身邊亦有某啲朋友會覺得遲失身係冇面嘅事，只係當你識得分乜嘢係對自己好同唔好時，就唔會咁執着呢個問題。
Q：不過作為脫星嘅你，講到對性行為睇得咁重要，好似唔係咁具說服力。
Liv：大家要分清楚工作同生活係兩個唔同嘅空間，喺演出時我係要扮演一個淫娃，如果連自己都覺得冇說服力嘅話，又點可以令觀眾睇得投入呢？不過私底下嘅我卻係相當保守，從我失身到現今，我只係同六個男人發生過性關係。其實呢種性格對我初入行時，真係有相當嘅影響，因為經常覺得好壓抑。如果唔係為咗錢，我真係唔會從事脫星工作。不過經過四年幾嘅浸淫後，我開始接受呢份工作之餘，仲開始變得投入其中。當然，喺導演叫停之後，我唔會再諗番頭先嘅感覺，免得自己抽離唔到。
撰文：魂