各位讀者好對唔住，小弟在此道歉係因為今集《AV達人》美女欠奉，只係得一大班麻甩佬！之不過咁都冇問題，因為我知道大家即使唔想做AV男優，亦好想知道佢哋二三事，故今次特別為大家帶來一樣刺激同鹹趣非常嘅「次世代AV男優競選大賽」！
日本AV界同香港社會一樣有陰盛陽衰嘅情況，之不過香港女仔想結婚就唔使爭崩頭，大可以北望神州搵個內地男做老公；至於日本AV女優就唔得喇，床上對手始終都係要搵精力充沛、性能力強大嘅專業AV男優。為咗解決男優不足嘅問題，唔少AV廠都會舉行素人男優招募活動，實行以數量來彌補實力上嘅不足。早前日本AV界三位享負盛名嘅頂級男優就出手訓練新人，仲嚟個全方位測試，從中挑選新生代男優之王。三大猛男包括以「很想要吧！」截圖紅遍中港台嘅吉村卓、清水健以及大島丈喺LEFKADA新宿聯合主持「次世代男優選拔」活動，開幕時三人當中地位最崇高、資歷最深厚嘅吉村卓就一本正經咁指出AV男優係一份有意義嘅工作，仲期望新人可以努力演出以及塑造更高位置嘅形象。
前輩講完之後，比賽隨即開始，而參加比賽嘅五位新人，包括優星、Splash Man、窓枠、娜美星武以及元塚久兵衞。佢哋會接受一連五項嘅測試。第一個比試好簡單，就係要進食由清水健用咗一晚時間炮製，成分不明，只知道充滿苦味卻又有助增強精力嘅咖喱！見到碗咖喱色澤暗黑，加上清水健在旁笑到鬼咁陰濕，五位新人都有少少心驚，但係堂堂男子漢無理由怯懦，惟有鼓起勇氣食得幾多得幾多。第二項測試係由吉村卓發問性問題，大家各有輸贏。第三項測試，就係鬥快食餅乾，其實呢個比賽相當有意義，吉村卓話做男優要令口水都充滿生命力，唔夠口水令餅乾溶化，又點去同女優錫錫以及舔弄其敏感部位呢？結果全部合格過關。第四項測試，就要一人拎起一本鹹書，測試邊一個最快勃起，最後就由久兵衞率先硬起來勝出。最後就由大島丈同新人逐一聯手，同吹氣公仔激玩3P，從中睇吓佢哋識唔識得同其他男優有默契地合作。經過五項測試，三大猛男連同現場觀眾比分，由窓枠奪得最優賞新人獎！
負責主持今次次世代男優選拔嘅吉村卓，大家唔好見佢肥頭耷耳就以為冇料到。其實吉村卓喺帝京大學文學系畢業，做過AV副導演，喺客串做AV男優嘅時候，就畀日本第一AV男優加藤鷹（圖右）賞識收為徒弟，曾經喺鷹哥屋企做打雜做咗半年。1993年吉村卓正式以AV男優身份亮相，同佢合作過嘅AV女優超過五千名，主要扮演變態男教師同上司，猥褻女優時面目可憎，形象相當突出。卓哥演技一流，性技同樣經苦練而得大成，一招超高速舌技就令眾多女優都要大叫「吔咩嗲」喇！雖然演出時卓哥嘅猥瑣表情令人討厭，但係佢係行內公認態度親切和善嘅好好先生，據聞唔少女優同佢合作過之後都主動同卓哥保持聯絡。
撰文：賢